|
 |
 |
 |
|
رقم المشاركة : ( 1 )
04 - 11 - 2019, 07:35 PM
|
|||||||||||
|
|||||||||||
 متلازمة "الاحسن" تنزل تشتري و تحس ان كل حاجة "أحسن من اللي عندك" ، هدوم ، عفش ، مقتنيات.. تلاقي الراجل عنده ١٠٠ نوع أقلام و نوت و أجندات، و لسه نازل يشتري و هو عنده الاقيم من الكل .. و تلاقي الست بتتحسر علي فستان مش عندها ، و هي عندها بدل الفستان ١٠٠ و اشيك منه بكتير. . و تلاقي الاتنين متحسرين علي عفش البيت اللي عندهم و هو في منتهي الجمال و الاناقة .. المشكلة ان احنا مش حاسين بقيمة اللي عندها ، بسبب الركن و الكركبة و التراب و الإهمال.. و اهم من ده و ده ان احنا لا نحسن تقييم اللي نملكه و نبص برة علي "الاحسن " .. و لان "الاحسن" ما لوش سقف و لا آخر، يا نقعد نتحسر ، يا نشتري و نركن !! و لان عالم التجارة علي علم بتركيبة متلازمة "الاحسن " ، يقعدوا يغيروا في الموضة كل شوية، و يجيبوا من القديم يحطوا علي الجديد ، و بعدين من الجديد يحطوا علي القديم، و كله بيسترزق علي حساب النفس الضعيفة .. طبعا ده مش معناه ما تشتريش، إنما اشتري اللي انت محتاجه و "الانسب" ليك مش الاحسن و خلاص .. و قبل ما تشتري راجع اللي عندك ، ح تلاقي كتير قوي قوي من اللي عندك اروع و احلي و احسن من اللي انت عاوز تشتريه.. و الغريبة أن الناس شايفة اللي عندك رائع و انت لا مبسوط و لا راضي .. عينك عاوزة رضي و فرح باللي عندها ، و نفسك عاوزة تفهم اللي بيدور جواها.. 
|
| أدوات الموضوع | |
| انواع عرض الموضوع | |
|
العرض الشجري