ما خفي كان اعظم

[walaa farouk]

ما خفي كان اعظم

رغم انه مش مصطلح طبي علمي ، إلا أن جامعة ستانفورد وصفت هذه الحالة "متلازمة البطة"
the Duck Syndrone
و هي متلازمة يعاني منها ناس كتير ..

الاسم ده جه لأن البطة تبدو من فوق المية هادية و متوازنة و انسيابية،
لكن تحت المية بتحرك رجليها بعنف و اضطراب شديد ..

كده برضه ناس كتير من بره هاديين و رايقين، لكن من جوه قلق و خوف و حيرة
و حزن شديد مستخبي تحت الهدوء الظاهرى..

لما تشوف واحد هادي مش دايما بيبقي مبسوط أو ما عندوش مشاكل ..
هو بس مخبيها تحت ابتسامته علشان ما يتكسفش من نفسه قدام حد ..

قدروا تعب الناس، لما تلاقي واحد غضب فجأة أو زعل من غير مناسبة أو انطوي
أو قفل علي نفسه أو ساب البيت (بعد الشر ) ،
أعرف أنه كان مخبي كتير و شايل كتير و بعدين طاقته خلصت..

الدرس ..
ما تشيلش في قلبك، فضفض لربنا و لحد بتحبه و يحبك..
درس تاني، قدر مشاعر الناس لان كل واحد فيه اللي مكفيه..