ربنا والشيطان بيتلككوا عليك ياترى هاتقبل لمين

[الصخره]

مساء الخير على اجمل اخوات

انهارده جاى اتكلم معاكم في موضوع مهم جدا
وهو نوع من حروب الشيطان
الشيطان بيحاربنا بنوع خطير جدا من حروبه وهو الاحساس بالسقوط
يجى يبقى عاوز يديك احساس انك وقعت وخلاص بعدت عن ربنا
ويفضل يقولك انك خلاص عندك فتور روحى وانت بعدت اوى عن ربنا وصعب انك ترجع زى الاول
بقى انت فلان بتاع زمان
انت اللى كنت تقف تصلى ترعب الشياطين
يا خساره عليك راحت ايامك
ربنا غضبان عليك

واحنا بضعفنا البشرى بنصدق
ماهو اصل من عيوب الانسان انه بيصدق الكدب دايما

يا جماعه الكلام دا مش حقيقى
دى حرب احنا بنكون كويسين
صحيح بيكون عندنا فتور روحى
لكن ربنا بيكون مستنينا برضوا نقوم بسرعه ونفوق

م الاخر ربنا بيتلكك علينا
والشيطان برضوا بيتلكك
بس في فرق بين التلكيك
تلكيك الشيطان بيبقى بيتلكك على انك تقع عشان يجهز سكاكينه
لكن تلكيك الهنا الحنون بيبقى بيتلكك اننا نناديله ونقوله
ارحمنا يارب يسوع انا الخاطى
وخلى بالكم
الشيطان عارف كويس اوى ان ربنا بيتلكك علينا باى طريقه نقول حتى كلمه يارب
نلاقى ربنا فريره جه ورفعنا
لانه حنين وبيحبنا وعاوزنا نعيش معاه باى طريقه
اىهى تنسى وعوده
لا تشمتى بى يا عدوتى
اصرخ وقولها في وشه وقول للشيطان
يالا يا حبيبى اركن على جنب والعب بعيد يا شاطر
انا ابن الملك
اللى ما بيزعلش من اولاده ابدا
ربنا معاكم ويحميكم من الشرير