بسم الثالوث القدوس
انا حصلت لي معجزه مع البابا كيرلس السادس وندرت اني انشرها من فتره طويله . و دي اول مره انا أحكيها :
المعجزه حصلت لما كنت في الصف الثالث ثانوي كانت امتحانات الشهاده جات صعبه جدا وغير متوقعه . المهم بعد ما إنتهت الامتحانات ويوم ظهور النتيجه كنت خايفه جدا وكنت حاسه اني حجيب درجات مش تمام , كنت حاطه بطاقه رقم الجلوس في كتاب معجزات البابا كيرلس يوم النتيجه كنت بصلي وطلبت من البابا كيرلس اني انجح واجيب الدرجات الي تدخلني الكليه الي انا عايزاها وانا وبطلع البطاقه وقعد ورقه فلوس كانت قديمه عندي بكتوب عليها 25 جنيه . شفت صوره البابا الي موجوده علي الكتاب وقلت له : انا مش عايزه درجات كتير انا بس عايزه نسبه النجاح 50% زائد 25 (الفلوس الي وقعت وانا بطلع الكتاب) وبالفعل لما مشيت المدرسه لقيت نتيجتي نجاح 75% بالطبط بدون اي فواصل زي ما طلبت من البابا كيرلس وكانت النتيجه دي بدخلني الكليه الي انا عيزاها
بس في التقديم حصل خطء وقبلوني في كليه تانيه , كنت زعلانه لاني طلبت من البابا انو يساعدني ويصلي من اجلي علشان ادخل الكليه الي انا عيزاها .
وبعدها كلمت الكاهن بتاعنا علي الحاصل وقال لي يمكن ربنا دخلك الكليه دي علشان خير ليكي , فماتزعلي واطمئني خالص . وانا اقتنعت بالكليه دي بس ماما وبابا قالولي انتي شاطره كيف تدخلي كليه زي دي قدمي تقديم تاني للكليه الي انت عيزاها , كان في فرص للتقديمات الخاصه في الجامعه , فصليت تاني وطلبت البابا كيرلس وقلت له لو انت عايزني ادخل الكليه الي انا عيزاها ساعدني في التقديم الجديد وبالفعل الامور مشت بسرعه ومن غير اي مشاكل دخلت الكليه الي انا بحبها وانا دلوقتي في المستوي الثالث والاولي علي الدفعه . ده كله بسبب صلوات البابا كيرلس واكيد ما حانسي صلوات ام النور العدرا مريم صلواتهم تكون معانا جميعا ولربنا المجد دائما أميـــــــــــــــن .
