بحياتو الإنسان بيمرق عليه مشاعر و احاسيس كتيرة حسب الموقف او الظرف اللي هوّي فيه. انعمل دراسة عا الف شخص انعزلو عن الناس و انسألو شو اكتر شعور حسّو فيه. الجواب اللي كان متوقّع هوّي الوحدة و الخوف بس بتعرفو شو طلعت النتيجة؟ الشوق! بس نشتاق لحدا منحسّ بفراغ غريب لدرجة انّو منصير نشوف كل الوجوه وجه واحد و بس، منصير نفتّش بكل الناس عا اقلّ تفصيل او شبه زغير بينن و بين الشخص اللي مشتاقينلو يمكن ضحكتو، يمكن عيونو او اي شي! كل هالحكي تا نقلكن انّو اللي منشتقلو و هوّي بهالأرض لو كان في بيننا و بينو محيطات و بلدان بيضلّ في طريقة نتواصل معو بس وقت اللي منشتقلو بيكون سبقنا عالسما بيكون اخد شقفة من قلبنا معو و في مطرح رح يبقى فاضي عاطول ما شي بيعبّيه... أما ذلك اليوم وتلك الساعة فلا يعلم بهما أحد...ما تضَيعو وقت بالحقد و العتب و الزعل لأنّو ما في شي حرزان عهالأرض...الله معكن
26 - 08 - 2019, 05:26 AM
العرض الشجري