الناس معادن

[walaa farouk]

فيه ناس زي الجرايد، ليها تمن بس يوم ما تقابلك ، تشدك تشتريها
و بعدين تقدم و تبقي ما لهاش لزمة و لا لهاش مكان..



و ناس زي الحديد ، تشيل و تصمد، لكن مشاعرها جامدة
و كلامها عنيف ، تعرفها وقت ما تحتاجها فتسندك
، لكن عشرتها تقيلة و قلبها ناشف ..



و ناس زي المية ، تروي و ترطب ، خفيفة و لذيذة،
تنفع مع كل موقف ، و مهما عملت سهل تسامحها، ما تسيبش بقع!!




و ناس زي الخشب ، شكلها حلو و حنينة في حملها ،
لكن تنكسر مع اول تحربة، و ما تشيلش أحمال كتير ..

و ناس زي الزيبق، هرابة، تفلت منك و ما تعرفش تلاقيها إلا بمزاجها
، و تجري منك عند اول مصلحة ..



و ناس زي التراب ، تترب اي مكان، ما لهاش تمن
، منين ما تروح تضر و تتعب و تعفر ..



و ناس زي الدهب ، معدنها اصيل و تمنها فيها
، غالية و تغلي اللي يعاشرها، عمرك ما تندم انك عرفتها
و مهما غبت عنها اصيلة و أمينة عليك و علي حبك..