التلميذ الذي كان يسوع يحبه

[مورا مرمر]

شفيعي و قدوتي و اكتر حد انا بحسه 💙
يوحنا اللاهوتي ..يوحنا الرائي..يوحنا الانجيلي البتولي ..و اخيرا يوحنا الحبيب و المحبوب
انا بشوفه التلميذ العاشق
و ده بدأ من اول دعوه ربنا ليه هو و اندراوس
(فقالا ربي الذي تفسيره يا معلم: اين تمكث ) (يو 1: 38)
و من ساعتها مسابهوش تقريبا 🤗 كان متعلق بيه زي الاطفال

🌸لدرجه ان اي صوره بتترسم زي صوره العشاء الرباني فهتلاقي يوحنا جنبه لازم 👀
(و كان متكئا ف حضن يسوع واحد من تلاميذه كان يسوع يحبه ) (يو13: 21)
الايه دي اتكررت كتير باسلوب مختلف
ايه ده .. كنت حاسس ب ايه و انت ف حضنه

بيفكرني بالعدرا مريم
كان وديع عايش بيسمع و يحب و يتامل و يحتفظ بده ف قلبه 💙
(اما مريم فكانت تحفظ جميع هذا الكلام متفكره به في قلبها ) (لو 2: 19 )
و عمليا ف وقت الصلب بالاضافه لاي حاجه هو الوحيد اللي كان مع ربنا تحت الصليب 👀
و كأن ربنا مرتب انهم يبقوا مع بعض كان البيت ده شكله ايه؟!! 💙
(فلما راي يسوع امه و التلميذ الذي كان يحبه واقفا قال لامه يا امراه هوذا ابنك ثم قال للتلميذ هوذا امك ) (يو 19: 26،27 )

🌸بستغرب ازاي كان بسيط ف محبته كده و ف نفس الوقت اسمه يوحنا اللاهوتي و انجيله بيتكلم عن لاهوت المسيح
و م كتر عمق محبته ربنا اعلن ليه و كشفله عن اسرار و بقي يوحنا الرائي اللي شاف ربنا ف مجده و كتبلنا سفر عميق زي سفر الرؤيا 💙
يوحنا كتب انجيله و ثلاث رسايل غير سفر الرؤيا
لازم هتلاقي فيهم كلام عن المحبه و الفرح الكامل 💙
لدرجه انه لما بقي شيخ و بيوعظ
فها هيقول حاجه جديده ؟👀
الحقيقه اتكلم عن المحبه لانه ببساطه كان عايشها طول الوقت
ده حتي معني اسمه الله حنون 😌
عاش الايه دي فعلا
(الحق اقول لكم: ان لم ترجعوا و تصيروا مثلا الاولاد فلن تدخلوا ملكوت السموات ) (مت 18: 3)

🌸لما كنت الوحيد م ال 12 تلميذ اللي كمل مع بابا يسوع للمحكمه وقت الصلب
مكنتش لسه عارف انه هيقوم
و شايف مصدر الامان بالنسبالك بيتحاكم و بيتصلب
مخوفتش ؟!!!!
لما بدات الكرازه اضطهدت كتير مره انت و بطرس و مره مع التلاميذ و اتنفيت و وصلت للزيت المغلي
مخوفتش ؟!!!!
لما ال 11 تلميذ استشهدوا و مفضلش غيرك
لو مخوفتش ان الدور هيجي عليك
مخوفتش م المسئوليه انك اخر تلميذ بمثابه بابا المسكونه وقتها ؟!!!
لما ربنا كشفلك اللي هيحصل ف الايام الاخيره ف رؤيا
و سلطه الضلمه اللي ف الاخر
مخوفتش ؟!!!!
ده انت ف اخر سفر الرؤيا قولت
(امين تعال ايها الرب يسوع )
اعتقد ان الاجابه ع ده ف (1يو4 : 18 ) (لا خوف في المحبه بل المحبه الكامله تطرح الخوف الي الخارج )

🌸و اخيرا اتسالنا ف الخدمه ازاي جمله التلميذ الذي كان يسوع يحبه
ربنا كده مش بيميز ؟
الحقيقه لو قولنا ان ربنا كلنا بيحبنا بنسبه 100%
بس مننا اللي بيحس بحبه بنسبه 30% و مننا 60% و هكذا
هو عرف يستوعب حب ربنا ليه
#عرف_يستجيب
فبقي مميز بقي التلميذ العاشق و المحبوب
ربنا يدينا و منشوفش غيره شبهك 💙
اذكرنا امام عرش النعمه 🙏💙