|
 |
 |
 |
|
رقم المشاركة : ( 1 )
13 - 06 - 2019, 12:37 PM
|
|||||||||||
|
|||||||||||
 لو حد متضايق من الامتحانات الى فاتت ومش قادر يكمل الى جاى ياريت يقرأ الكلام ده .. امتحان العربى فى سنتنا كان معقول وحليته كله ومكنتش شاكك فى حاجة ورجعت البيت ،نمت وحلمت انى غلطت فى سؤال - بتحصل معايا دايما فى النصوص الاجبارى (نظرة) ، وفعلا صحيت واكتشفت انى كتبت اجابة سؤال تانى شبهه وكان عليه درجتين تقريبا وكان اول امتحان واحبطت من كدا ، وكملت .. امتحان الفيزياء كان عندنا صعب (مش هيجى صعب سنتين ورا بعض ان شاء الله متخافش اتوترت فيه والوقت كفى بالعافية وملحقتش اراجع وكنت عاكك فى مسألة (كريتشوف) وغيرها ملحقتش اكملها .. رجعت من الامتحان يائس ومش فاهم ايه المغزى انى اذاكر المواد الى بعدها .. منا كده كده كل مجهود السنة ضاع فى ثانية ومفيش حاجة هترجعه لانى حسبت انى هنقص على الاقل ست درجات فى الفيزيا ، ومخى راح فى حتة انى ضيعت حلمى والكلية الى نفسى فيها ، بس كملت .. و باشكر ربنا على الناس الى خليتنى انسى كل ده واكمل مذاكرة كمان اكتر فى المواد الى بعدها .. ذاكرت احسن ورحت الامتحان الى بعده وبعد ما رجعت اتفاجئت انهم بيقولوا فى حاجات اتلغت فى تصحيح الفيزياء وطلعت هى هى بالظبط الحاجات الى غلطت فيها .. ساعتها فكرت قد ايه كنت هبقى غبى لو كملت بروح يأس وضيعت الى فات كله .. والنتيجة طلعت وفعلا طلعت منقصتش ولا حاجة فى الفيزياء ولا سؤال العربى حتى .. الخلاصة انك قربت تخلص، مطلوب انك تستميت فى المواد الجاية وانتوا خلصتوا مواد اللغات ودى هم لوحدها اصلاً! واوعى تفكر فى حاجة فاتت او تعتبر انها كده كده خربانة .. لا طبعا ، عمرها ما كانت خربانة .. وعمر مجهودك وساعات سهرك وقلقك والضغط الى اتعرضت له ما هيروح فى حتة غير فى نتيجتك ومستقبلك الى ربنا كاتبهولك .. لان ربنا عادل ومش هيضيع كل ده علشان المستشار حب يروش فى الامتحان او حتى انت اتوترت فى اللجنة فا محليتش حلو فى اللى فات. مطلوب انك تكمل المجهود الى بدأته ومتفكرش فى كلمة فى مادة فاتت وخلى عندك أمل ان الى فات مكانش هيعدى احسن من كده علشان انت مكنتش هتقدر تتعب اكتر من كده صدقنى مهما كنت فاكر نفسك مقصر انت عملت اقصى حاجة جواك ! و ثق أن ربنا مش هيسيب الى فات يعدى غير وهيعوضلك تعبك فيه .. كملوا مذاكرة بروح اقوى علشان انتوا قربتوا اوى ، قربتوا تخلصوا من الكتب والملخصات والمذكرات ، قربتوا تخرجوا من الجو ده وتشوفوا الدنيا والنور ، قربتوا تترحموا من الضغط وترجعوا لحياتكم الطبيعية ، والاهم من ده طبعا انكم قربتوا من حلمكم .. "رب السماء يعطيك فرحا بدل الغم الذي قاسيته" " ويكون فى يوم يريحك الرب من تعبك ومن انزعاجك " 
|
| أدوات الموضوع | |
| انواع عرض الموضوع | |
|
| قد تكون مهتم بالمواضيع التالية ايضاً |
| الموضوع |
| ثانوية عامة اجمع هنا |
| ثانوية عامة |
| ثانوية عامة |
| ثانوية عامة |
| عندوا ثانوية عامة |
العرض الشجري