تدمير كنيسة

[walaa farouk]

عاوز تدمرها بجد حط فيها خدام مش قدوة
، يتخانقوا و يختلفوا و يجيبوا سيرة بعض ..

حط فيها ناس ما يحبوش بعض و مقسومين شلل ..

خللي التعليم ضعيف و ركيك و كلمة الله تفسيرها ضعيف
و من غير تطبيق ..

خللي الخدام يهتموا بالنشاطات و الرحلات و الخروجات
، و ما يهتموش بالنفوس و خلاصها و نموها و فضايلها..

خللي الشمامسة مش كنسيين، حافظين اللحن من غير روح اللحن، و الطقس من غير روح الطقس
، واقفين في القداس عثرة للناس بخناقاتهم علي الميكروفون
و تسابقهم علي المتكآت الأولي
، فاهمين أن الشموسية مجرد جمال صوت مش جمال روحانية ..

تدمير كنيسة بييجي من جواها
، من قلة الحب و قلة التوبة و قلة التواضع ؛ اللي جاي من بره زي الاضطهاد و الهرطقات يقويها و لا تحنيها..

كنيسة صح مفيش حاجة تهزها و لا تهزمها ..