|
 |
 |
 |
|
رقم المشاركة : ( 1 )
20 - 05 - 2019, 06:46 AM
|
|||||||||||
|
|||||||||||
 عزيزى الله يا خالق الكون كله بكلمة وشكلّت الانسان بحكمة ياللى اسست الأرض بكل ما فيها ماعنديش شك ان خليقتك كاملة بس انت اللى اديتنى الحق انى اكلمك واقف قدامك انت الإله العظيم اللى سمح لى ان اسألك وانا عارف انك السيد وانا يادوب خدامك عايز اقول لك كلمة جوايا وانت عارف قلبى واللى فيه عايز اقول لك ليه؟ ليه وسط عيون كتير مفتحة يتولد محروم من نور عينيه ليه يعيش يسمع عن حاجات كل علاقته بشكلها صورة رسمها فى خياله او مرة لمسها بإيديه مابيصعبش عليك حاله وهو مايعرفش يعنى ايه نهار هو مش انت بتشوفه زيى ماشى بيتحسس طريقه ولو مالقاش اللى يرشده يمكن يقع فى ميا ولا يتلسع بالنار عارف يارب ساعات باحط نفسى مكانه لما يقعد وسط اللى بيحكوا عن اللى شايفينه وهو ساكت وبيشكرك فى سره اننا مش ملاحظينه مش عارف يعنى اعيش طول حياتى فى الضلمة مش عارف يعنى ايه ماقدرش اقول "اوصف" اصل ايه فايدة انى اوصف وردة فى العتمة انا عارف انها حكمتك وعارف انه واخد نصيبه من رحمتك بس انت برضه قادر تعوض حتى اللى ماتخلقتلوش عينين قوى بصيرته وحتى لو مش بيشوف ابعتله السند .. دانت المعين طب اللى مش شايف الضلمة مدارية عليه طب اللى ودانه مجرد شكل .. ليه؟؟ ليه تبقى عينيه تايهة وسط كلام كتير لا سامع اللى بيتقال عليه ولا عارف دا شر ولا خير ليه؟؟ ليه يعيش عمره عاجز ليه مايبقاش زى باقى الخلايق يقدر يعبر بكلمه بدل ما يفضل يشاور ليه لما يزعل مايقولش "انا متضايق" ليه يفقد حقه انه يحاور ماعنديش شك ان خليقتك كاملة وان اللى ناقص هو تفكيرى بس السؤال اللى شاغل خليقتك ازاى اقبل ان اللى بتاخده منى .. لخيرى عارف يارب مش الكفيف والأبكم بس اللى محتار فيهم العاجز اللى ما بيقفش على رجليه لو اب وعايز يجرى مع ولاده تحرمه ليه؟؟ لو طفل وعايز يلعب مع اصحابه وعينيه مشتاقة يشوف نفسه زيهم هو مش فى ايديك تشفيه؟؟ ياخالق الأكوان كلها دانت فى ايدك تخلق رجلين للى اتقطعوا رجليه كل دووول وفيه كتير غيرهم كمان جم للدنيا .. من وجهة نظرنا ناقصين نعم كتير لكن حاشا ان لسانى ينطق ان فيه فى خلقتك عيب او تقصير دانت الكامل فى كل صفات الخير كلىّ الرحمة والحنان كلىّ الحكمة والسطان مابتتغيرش .. لكن بكلمة فى ايدك كل التغيير وارجع واقولك .. انى واثق فى كل اللى بتعمله واثق فى اللى بتبعته اول ماطلبه وواثق فى مشيئتك لما بتأجله ماتزعلش من اسئلتى انا عارف انى باتعدى على دورى بس اصل انا عارف حنيتك وياما دوقت رحمتك عارف ان انت الكبير المهوب ذو الجلال وعشان كدة عارف ان عندك اجابة لكل سؤال هاترجاك .. وانا واحد مالوش حق حتى انه ينطق اسمك بلسانه خليقتك بتئن يارب من كتر الوجع اللى بيقول عمرى ما طلب وصوتى اتسمع واللى عايش شايف نفسه اقل م اللى حواليه اللى اتحرم من نعمة وهبتها لملايين غيره غصب عنه بيقول .. اشمعنى انا .. طب ليه احضنهم بسلامك جوة قلوبهم لو حاسين بالنقص وسط اللى حواليهم .. عوضهم انا عارف ان مش انا اللى هاوصيك عليهم .. دانت خالقهم انت اللى عارف اللى بيقولوه .. ومافيش حد بيسمعه انت اللى عارف فى كل واحد .. فين الجرح اللى بيوجعه لكن هاقولك ع اللى باتعلمه فى كل مرة باكلمك لما باشوف طول اناتك ..على نقص وشرود فكرى والاقيك بتحايل فيا ..وانا مدرك كمال عظمتك باحط راسى فى الارض ..وافتكر انك ضابط الكل مابالاقيش غير كلمة واحدة ..وانا عارف انها بتفرحك كلمة "لتكن مشيئتك" آمين 
|
| أدوات الموضوع | |
| انواع عرض الموضوع | |
|
العرض الشجري