|
 |
 |
 |
|
رقم المشاركة : ( 1 )
23 - 03 - 2019, 01:44 PM
|
|||||||||||
|
|||||||||||
 وانت نازل من بيتك كل يوم، يا ترى إيه الأفكار اللي بتدور جواك؟؟ أقول لك أنا: شعري شكله حلو؟ هدومي لايقة على بعضها؟ الچيبة دي هاتعجب منال وراندا والا هايتريقوا؟ الشنطة دي مقشرة من الجنب.. ألبسها والا لأ؟ أنا رايح أقابل أسامة ومعاه آيفون 7 وموبايلي مش زيه. . هو كان بكام الآيفون 7 صحيح؟ هاعرف أجيب واحد والا لأ؟ وانا قاعد مع محمد ورضا، لو قلت رأيي بصراحة، هايزعلوا؟ لو سبت الشغل اللي باكرهه، هايقولوا إيه؟ فاشل أو عاطل؟ صعب قوي يتقال عليا كده!! لو اتجوزت بالطريقة دي، صحابي هايقولوا إيه؟ إزاي شبكتي تبقى أقل من هناء؟ لازم بيتي يبقى فيه نيش وشاشة مسطحة 42 بوصة، زي باقي البيوت.. الناس هاتقول إيه؟ لو اتطلقت هايتقال مطلقة.. إزاي بس؟ مسرح كبير يا عزيزي هي حياتك.. مسرح انت فاكر إنك بطله، والحقيقة المرة، إن المسرح دا في دماغك لوحدك.. الناس في حقيقة الأمر غير مهتمة.. كل واحد من اللي انت بتقابلهم صدقني بيفكر في نفسه زيك كدا وانت مش كل همه.. العلماء توصلوا لإن الإنسان بيفكر في اليوم ما لا يقل عن 50,000 فكرة ؛ لو فكر فيك عشر مرات يوميا عارف هاتاخد قد إيه من تفكيره؟ 0.002% من تفكيره بس، والباقي بيفكر في حاجات تانية غيرك! أنا عاذراك على فكرة، الإنسان كائن اجتماعي بطبعه، وعايز غصب عنه يلاقي الرضا والحب والقبول من اللي حواليه، محدش سعيد لوحده دي حقيقة.. بس كتر الانشغال برأي الناس فيك بيحولك لمسخ.. أو people pleaser الغريب إن رغم إن نيتك المحبة، فالنتيجة مابتبقاش كدا انت بتبقى شخص غير حقيقي، ودا يعمل إيه بقى؟ يجذب حواليك ناس زيك مش حقيقية، وتبقى روابطك بيهم هشة أو يحصل العكس خالص؛ الناس تنفر منك خالص؛ ماحدش بيحب الشخص اللحوح بيبان في عينيك، في كلامك، رغبتك للموافقة.. بتديهم سلطة مش بتاعتهم. . والسلطة لما تتحط في غير موضعها يتم استغلالها.. تلاقيك بتترفض أكتر ما بتتقبل. . أو يتلم عليك الناس المستغلة؛ عارفين إنك عايز تنول رضاهم فيدوك دا ويمنعوه براحتهم، ويتحكموا فيك معنويا.. الثقة المأمولة اللي كان نفسك تاخدها تتحول بخبث جواك لعدم احترام، وقلة تقدير لذاتك واحدة واحدة.. نزل الستارة بقى ماحدش مهم أكتر منك، وكدا كدا الناس هاتحكم عليك.. لو مهما عملت للناس ، هاتلاقي اللي كرهك واللي طلع عليك عقده واللي حاسبك.. صدقني مش هاتعرف تتحكم في دا، لأنه ببساطة أمر يخص الناس ما يخصكش أيوه.. رأي الناس فيك خاضع لإسقاطاتهم، ولنفوسهم، وليهم بشكل مباشر.. فانت ليه تستناه وهو مش بتاعك؟ غمض عينيك وماتستناش فرجتهم، وحرر نفسك.. الغريب إنك لما تعمل دا: when you don't give a shit الناس ساعتها بتحترمك؛ لأنك ثابت على أرضك ومش مستني منهم أي حاجة.. والحالة دي من الاستغناء جذابة فوق ما تتخيل.. عبّر عن رأيك الحقيقي وعن مشاعرك وآرائك، واعرف قيمك إيه . قيمك انت؛ مش قيم حد.. غمض عينيك كأن ماحدش شايف؛ لأن ماحدش شايف صدقني ساعتها هاتخسر علاقات كتير هشة، وممكن حياتك تاخد منحنى جديد تماما فيه بعض الوحدة بس بعد كدا، هاينجذب لك اللي شبهك حقيقي، وهاتبقى علاقاتك أكتر متانة وأفضل ، وثقتك في نفسك هاتبقى أصيلة. كُلْ اللي يعجبك والبس اللي يعجبك وحرر روحك، وساعتها هايتحقق المثل اللبناني: "ياللي متلنا تعو لعنا" هايبقى حواليك ناس بجد بتحبك فعلا للي انت عليه، مش للي يرضيهم.. استحمل حبة خبطات: ناس هاتقول لك: ما تقوليش يا قلبي لأني مش قلبك ولا حاجة. . الحقيقي اللي بتصدره هايستفزهم يطلعوا الحقيقي اللي جواهم؛ فتعرف موقعك الحقيقي من الناس.. فماتشتكيش فيما بعد من الوحدة.. لأن النوع دا هاينسحب، والخير فيما بقى هاتفعّل إمكانياتك الحقيقية هاتعيش بني آدم كامل زي ما ربنا عايزك انزل من على المسرح يا عزيزي؛ المسرحية خلصت!! 
|
| أدوات الموضوع | |
| انواع عرض الموضوع | |
|
| قد تكون مهتم بالمواضيع التالية ايضاً |
| الموضوع |
| اللمسة المُريحة |
| المركز الوطني للفنون المسرحية |
| أعضاء من المجموعة المسرحية |
| المسرحية |
| المسرحية المسيحية انت حر |
العرض الشجري