|
 |
 |
 |
|
رقم المشاركة : ( 1 )
16 - 02 - 2019, 01:44 PM
|
|||||||||||
|
|||||||||||
  ما تستغربوش من المقارنة واشمعني اخترت مثال الممثل محمد رمضان الشهير ب نمبر وان علشان أقارنه ب مرقس الرسول !! شئ غريب مش كده ؟! للأسف الممثل ده ملأ الدنيا صراخاً ودعي نفسه رقم واحد . . نمبر وان .. رغم ان اللي بيقدمه شئ متواضع جداً علي كل المستويات ولا يستحق المشاهدة او ان تضيع وقتك فيه .. ورغم ذلك يصر علي اقتناص اللقب ! وبالمثل الكنيسة مليانة كتير " نمبر وان " ..كتير من الخدام والوعاظ والرعاة من كل الأطياف المسيحية نجوم شباك لامعة في سماء المجتمع المسيحي رغم قلة تأثيرهم الحقيقي . . لكنهم بيحتلوا مركز الصدارة وكل الاضواء مسلطة عليهم ! لكن المدهش والأجمل ان المسيحية فيها كتير " نمبر 2 " اللي هم في الحقيقة تلاقيهم في دور المساعد الامين . . الجندي المجهول اللي بيخدم بعيد عن الاضواء .. الخادم المجتهد النشط بقلبه علي خدمته .. الشخص اللي تقدر توكل له مهمة و تعتمد عليه وانت متطمن وفي بطنك بطيخة صيفي ملكوت السموات يحتاج لكثير من عينة " نمبر 2 " !! و (مرقس الرسول) واحد من دول طول عمره نمبر 2 .. نشيط ومتفاني رغم صغر سنة … الخلافات في الخدمة (مع بولس) والانتقادات مأثرتش عليه .. رغم ان بولس ربما فعلا يكون محقاً في وجهه نظره .. . لكنه عدل مساره وعاد انشط وافضل من الاول … يتضح لك كم الحيوية والنشاط اللي في حياته اللي اتأثر بيها انجيله فكل كتاباته كانت عن يسوع الخادم النشط وأعماله ومعحزاته .. ركز علي شخص يسوع العامل الذي لا يهدأ ولا يمل الخلاصة ان مرقس كان واحد من افضل نمبر 2 في الرسل لو افترضنا اننا هنعطي جوايز اوسكار هتكون ترشيحاتنا ل مرقس الرسول كالتالي : - افضل مساعد شخصي - افضل مترجم (سنأتي الي ذلك لاحقاً ) - افضل مرافق في الطريق - افضل نافع في الخدمة 
|
| أدوات الموضوع | |
| انواع عرض الموضوع | |
|
العرض الشجري