زوّادة اليوم: الآباء متل الطّيّارات
بيقول البابا فرنسيس: الآباء الكهنة متل الطيّارات...ما منحكي عنّن الّا بس يوقعو! مع انّو اكتر بكتير هنّي اللي عم يعلّو و يطيرو و يوَصلو ملايين الناس لبر الأمان!
معو حق! الناس ما عم يوفرو فرصة حتّى يتهجّمو عالكنيسة و كهنتها. بالنهاية الكاهن انسان و معرّض للتجربة و يمكن هوّي اكتر منّا لأنّو الشرّير ما ارتد ليسوع و جرّبو! اذا كاهن غلط مش يعني منحاسب الكل! اذا حاربتو الكاهن ما بتكونو استفدتو شي و لا فدتُو بشي! خلّونا كلنا اليوم كهنة و ابناء رعايا نحط ايدنا بإيد بعضنا حتّى نوصّل احلى صورة عن الرب يسوع اللي طلب منّا نغفر و نسامح و نساعد بعضنا و نحب بعضنا...الكنيسة جسد واحد كل واحد منّا عضو فيه و عندو دور مهم...اليوم هالجسد مريض صلاتنا عا نيّة توحيد كل عناصر الكنيسة بالعالم حول يسوع المسيح...الله معكن
16 - 02 - 2019, 04:06 AM
العرض الشجري