دموع ولا لآليء

[walaa farouk]

دموع تفوقت في تمنها علي اللآليء..

دموع تحمل تنهيدة مظلوم أو مجروح أو مصدوم أو مطرود..
دموع أم علي ابنها الجاحد و المتمرد ، أو أب علي بنته اللي رباها العمر
و كسرت قلبه و سابت واحد يضحك عليها و يخطف برائتها ..

دموع حزين قلبه واجعه من غير سبب علي ظروف ما لوش يد فيها حرمته من الحنان و السند
، و دموع مظلوم حقه اتاخد قدام عينيه من حد متجبر و متكبر..

دموع واحد مصدوم في خيانة حبيب أو صاحب قدم له كل الحب بإخلاص،
و علي أول ناصية سابه لوحده ، و مشى و كأنه عمره ما شافه قبل كده ..

و اصعب من دمعة متشافة، اللي مستخبيه ورا ضحكة مجروحة لقلب ابيض طيب،
عزة نفسه جاهدت علشان ما تسيبهاش تنزل و تفضح مشاعره قدام الناس ،
علشان ما يبانش قدامهم قليل ، أو ما يتقّلش عليهم ..

كل دموعك بتنزل في ايد ربنا بيحوشها و ح يرجعهالك لآليء تعويضات و تعزيات و بركات