|
 |
 |
 |
|
رقم المشاركة : ( 1 )
06 - 02 - 2019, 10:51 PM
|
|||||||||||
|
|||||||||||
 إبراهيم أبو الأباء دة شخصية عجيبة فعلاً إبراهيم كان الإبن الكبير لواحد إسمه تارح تارح دة خلف ٣ رجالة.... واحد إسمه #إبرام اللي هو إبراهيم والتاني إسمه ناحور والتالت إسمه هاران... . وهاران اللي هو أخو إبراهيم الصغير دة مات أول واحد وساب لوط طفل صغير يتيم..... يقوم إبراهيم ياخد لوط ويربيه على إنه أخوه مش عمه الكبير..... دة مش بس كدة..... دة لما لوط إتخانق مع إبراهيم بسبب الرعاة وقاله إنه عاوز يقسم الأملاك إبراهيم قاله أنا مايهونش عليا إننا نتخانق وإحنا إخوات..... الأرض أهي قدامك ولو قولت يمين أنا هاقول شمال ولو قولت شمال أنا هاقول يمين..... المفروض بقى إن خالتي وخالتك وإتفرقوا خالات.... قوم لما لوط إختار يعيش في سدوم وعمورة ولما كادر لعومر ملك عيلام دخل سدوم وأخد لوط وأهله سبايا وأسرى عنده جري واحد من الغلمان على إبراهيم وقاله إلحق دة أخوك لوط مقبوض عليه..... بصراحة أنا لو من إبراهيم هاقول وأنا مالي.... يستاهل.... عاملتله أحسن معاملة ومطمرش فيه.... . لما إتخانق معايا وقالي عاوز حقي قولتله الأرض قدامك خد اللي يعجبك.... يتحمل بقى نتيجة إختياره..... بس إبراهيم معملش كدة.... إبراهيم كان راجل وجدع وشهم.... راح لم الرجالة أصحابه والغلمان اللي شغالين عنده وطلع بالليل هو و٣١٨ راجل على سدوم وكسر شوكة كادر لعومر دة.... وخلص لوط ورجعله أملاكه اللي مع الأسف ماراعاش إبراهيم عمه فيها وهو بيقسم وبيختار.... تخيل كدة ممكن دلوقتي نقابل كام واحد ذي إبراهيم في الدنيا.....؟؟؟؟ دلوقتي الولاد يرفعوا قواضي على أبائهم وأمهاتهم.... والإخوات ترفع قضايا على بعض ويتعادوا.... والجيران تموت بعض والدنيا تخرب.... دة حتى في الكنيسة تلاقي الخادم يزعل لو مابقاش أمين خدمة أو لو ماتزكاش للكهنوت وممكن يسيب الخدمة ويسيب الكنيسة ويمشي.... وتلاقي خادم زعلان مع خادم وهما جوة خدمة واحدة. ... كام حد ممكن نقابله دلوقتي بأخلاق إبراهيم.....؟؟؟؟؟؟ قارن بين نفسك وبين إبراهيم وشوف إنت فين من الخريطة..... 
|
| أدوات الموضوع | |
| انواع عرض الموضوع | |
|
| قد تكون مهتم بالمواضيع التالية ايضاً |
| الموضوع |
| صاحبك الجدع |
| الصاحب الجدع رزق |
| مات الجدع |
| الرجل الجدع |
| الصاحب الجدع |
العرض الشجري