الوعد اليومي(لِنَتَمَسَّكْ بِإِقْرَارِ الرَّجَاءِ رَاسِخًا، لأَنَّ الَّذِي وَعَدَ هُوَ أَمِينٌ)

[walaa farouk]

لِنَتَمَسَّكْ بِإِقْرَارِ الرَّجَاءِ رَاسِخًا، لأَنَّ الَّذِي وَعَدَ هُوَ أَمِينٌ ( عبرانين 10 : 23 )

مهما كان تقرير العيان . بيقابله في روحك تقرير رجاء وإيمان.
هيحصل بينهم صراع وهتلاقي صوت العيان
بيشد حيله علي قد ما بيقدر .

هنا دورك ...
----------------
ونسبة نجاحك بيحددها مستوي ثباتك
. كل ما كان مستوي ثباتك في الرب وفي كلمته
هتقدر تتمسك بأقرار الرجاء والإيمان اللي جواك
وهيكون في ايدك الآداة اللي هتمحي بيها كل مصطلحات العيان .
الحرب دي مش سهلة وغالبا مش بتكون قصيرة ..
. لكن شاقة وطويلة ومش ينفع فيها الإستسلام .

اللي وعدك اله أمين . مش بيرجع في كلامه
وكمان هو قد كل وعد قاله ... لا تعدم من يده وسيله.

الهدف اللي لازم توصله يستحق أنك تجاهد لاجله بكل قوة.
لو شاعر قوتك خارت. تعال أنحني دلوقت قدامه
وقوله بتوب عن تراجعي وأستسلامي
محتاج معونه ووجهك يسير قدامي يا رب في اسم يسوع المسيح .

صباح الثبات في يسوع وقوة كلمته. صباح الطاقة الجديدة للجهاد للوصول لأرض امتلاكك .. أمين