مخاطر الميكرويف

[توتا كمال]

🤔🤔 حقيقة مخاطر الميكروويف 🤔🤔

هل إستخدام الميكروويف لطهي وتسخين الطعام آمن ؟ 🤔🤔

الإجابة قولاً واحداً .. آمن بشروط !!
يعني إيه ؟ 🤔
يعني فيه محاذير للإستعمال ونصائح هنقولها دلوقتي ،
لو إلتزمت بيها ...
مفيش أي خوف من إستعمال الميكروويف ويكون آمن وصحي ولا توجد منه أي مُشكلة 😉

إيه اللي بتقوله ده ؟ ده في دكاترة كتير وآخرهم دكتور مشهور أوي وواجع دماغنا في التليفزيون كل شوية قال إنه بيجيب سرطان وبيحذر الناس من إستعماله 😕

الإجابة بردو استعمال الميكروويف آمن بشروط 😉
و زي ما قلنا قبل كده الطب مش بالمزاج ، ولازم يكون الكلام له مرجعية 😉 وكمان الطب كل يوم فيه جديد 😉 بس مين اللي يعرف 😉
مع احترامي للجميع ، سيبنا من كل العك ده ونخلينا في موضوعنا 😉

زي ما اتعودنا دايماً في #برنامج_توعية إن كل معلومة بنقولها لها مرجعية طبية وعلمية وموثقة من أعلى المصادر 😉 و هتلاقي كل المصادر التي تؤكد صحة كلامي في آخر البوست ده ⬇️⚘

هنحاول نبسط الأمور بعيداً عن المعلومات العلمية والطبية التي قد تكون مُعقدة 😉

⬇️⬇️⬇️⬇️⬇️⬇️⬇️⬇️⬇️⬇️⬇️⬇️⬇️
أول نصيحة
لما تفكر تشتري ميكروويف لازم يكون ماركة محترمة ومعروفة .. وده ليه🤔 ؟ علشان نضمن مراعاة تطبيق معايير وشروط الأمن والسلامة عند التصنيع .

⬅️ هو لازم أشيل فيشة الميكروويف وأفصله من الكهرباء طول ما أنا مش بستعمله ، علشان بيخرج منه أشعاع مُضر 🤔 ؟؟

كلام ليس له أي أساس من الصحة 😉

⬅️ ممنوع تشغيل الميكروويف وهو فاضي لإن ده خطر وممكن يدمر الجهاز كله .

⬅️ ممنوع إستعمال الأواني المعدنية بشتى أنواعها في الميكروويف ، و ممنوع إستعمال كل أنواع البلاستيك بشتى أنواعها بإستثناء المخصص للإستعمال في الميكروويف.

⬅️ لما تشتري أي أكل معبأ ، يجب الإلتزام بتعليمات الطهي والتسخين و فترة الوقت المناسب اللي بتبقى مكتوبة على العبوة من الخارج .

⬅️ كتالوج الميكروويف مش بيترمي ولا يتركن لما أشتريه ، لازم يتم قرأته بعناية والتأكد من معرفتك بكل شروط الأمن والسلامة والمحاذير .

⬅️ لازم دايماً يكون الميكروويف نظيف جداً ، ومفيش أي جزء منه مكسور أو مشروخ ، يعني تبقى حالته دايماً كإنك لسة مشترياه.

⬅️ لو في أي مشكلة أو عيب في الميكروويف أو حتى زجاج الباب مشروخ أو مكسور ، محدش يصلحه غير توكيل الشركة المُصنعة فقط ، ودي نقطة مهمة 😉

⬅️ هو في مشكلة إني أبقى واقفة جنبه في المطبخ وأنا بستعمله ؟

آه طبعاً في مشكلة ... فبالرغم من تصميمه لكي لا يتم أي تسرب لموجاته وبالرغم من ضعف موجاته .. إلا أنه بالفعل يتم تسرب لجزء بسيط من موجاته خارجه .... لذلك ⬇️
✅ اطلعي بره المطبخ أثناء الإستعمال.
✅ ممنوع الأطفال يستعملوه لوحدهم أو يبقوا موجودين في نفس المكان أثناء الإستخدام .

⬅️ هل فعلاً كما يُقال إنه له أضرار على العين قد تصل إلى الإصابة بالعمى 🤔 ؟

فعلاً الكلام ده صح ✔ لإن موجات الميكروويف يمكن للجسم إمتصاصها بسهولة ، وخصوصاً العين لإنها حساسة جداً ونسبة السؤال فيها قليلة جداً مُقارنة بباقي أعضاء الجسم ، ده غير ان العين جزء كبير جداً منها مُعرض بشكل مباشر للبيئة الخارجية .. لذلك ⬇️
✅ مينفعش أقف اتفرج على الأكل وهو بيلف جوه الميكروويف 🙄.
✅ مينفعش أبقى واقف جنبه أصلاً أثناء الإستعمال وخصوصاً الأطفال .

⬅️ الأكل بيفقد قيمته الغذائية عند طهيه أو تسخينه في الميكروويف 🤔 ؟؟

طول فترة التسخين وإرتفاع درجة الحرارة اللي بيتعرض ليها الأكل سواء في الميكروويف أو أي طريقة أخرى للطهي زي القلي أو الغليان أو الشوي أو التحمير أو في الفرن العادي بتؤدي إلى فقدان أو تقليل بعض من القيمة الغذائية للأكل اللي بنعمله ، لذلك ....
النصيحة الذهبية عند الطهي أو التسخين سواء في الميكروويف أو غيره ( أقل درجة حرارة لأقل فترة ممكنة ) 😉
وده كان رأي منظمة الصحة العالمية بشكل واضح وصريح 😉

⬅️ الأكل بعد ما يطلع من الميكروويف بيبقى فيه إشعاع ومسرطن ؟

كلام ولا ليه أي أساس من الصحة 😉 و علشان نبسط الأمور اعتبر أشعة وموجات الميكروويف زي الضؤ اللي طالع من اللمبة ، بمجرد ما بتطفي اللمبة الضؤ بيختفي 🤓😉.

⬅️ تأكد من إن الأكل اللي بتسخنه في الميكروويف درجة الحرارة وصلت لكل جزء منه ، يعني ميبقاش سخن من بره ومن جوه بارد ، لإن ده بيبقى مُضر ويسمح بوجود بعض الأنواع من البكتيريا داخل الأكل نفسه .
وعموماً فكرة التسخين في الميكروويف بتعتمد في الأساس على نسبة المياه اللي موجودة في الأكل ، بمعنى إن كل ما نسبة المياه تبقى كتير في الأكل كل ما يسخن بسرعة ، وكمان سطح الأكل اللي بتسخنه في الميكروويف كل ما كان في مسافات كبيرة بين جزيئاته هيسخن أسرع .
مثال للتوضيح ⬅️ لو حبيت تسخن قطعة مكرونة بالبشاميل في الميكروويف ... لو حطيتها سليمة مش هتسخن كويس من جوه لإن كميه السوائل فيها قليلة وكمان المسافات على سطحها شبه مُغلقة ،،،،
لكن لو قطعتها لقطع صغيرة هتسخن أحسن وأسرع لإن الموجات هتقدر توصل بسهولة لكل جزء فيها 😉

⬅️ في حاجات ممنوع نسخنها أو نطهيها في الميكروويف زي البيض مثلاً أو الهوت دوج ( لحوم مُصنعة مُسرطنة ) لإن سطحها شبه مُغلق ولا يسمح بإمتصاص موجات الميكروويف 😉.

⬅️ تعريض الثوم لأشعة الميكروويف لمدة 60 ثانيةً كافيةٌ لإبطال عمل العناصر المضادّة لمرض السرطان ، لذلك يُنصح بتجنب طهي أو تسخين الأكلات التي تحتوي على الثوم في الميكرويف لضمان الحفاظ على قيمته الغذائية .

⬅️ تسخين حليب الثدي بالميكروويف يُفقده بعض الأجسام المضادة، ويعزّز من نموّ البكتيريا المسببة للعديد من الأمراض، كما تبين أن الأضرار الناتجة من تسخينه بالميكروويف تفوق الأضرار الناتجة من تسخينه بالطرق العاديّة بشكل كبير جداً.

⬅️ تسخين الحليب لمدة 6 دقائق في الميكروويف يؤدي إلى تحويل 30%-40% من فيتامين ب12 إلى وضع الخمول ، وطبعاً ٦ دقائق أصلاً دي فترة كبيرة جداً 😉 .

⬅️ الأكلات اللي أحياناً بعد تسخينها في الميكروويف بتلاقيها زي ما تكون جًلدت وخصوصاً سطحها ، ده بيبقى نتيجة إنها فقدت جزء كبير من السؤائل اللي فيها 😉 ، وده شيء عادي .

⬅️ لما تيجي تطلعي الأكل من الميكروويف لازم تآخدي بالك كويس إن أحياناً درجة حرارة الطبق بتبقى سُخنة جداً فممكن تتلسعي ( وبتحصل كتير 😉 ).

⬅️ إيه حقيقة فقدان فيتامين سي ( c ) من المأكولات التي يتم طهيها أو تسخينها في الميكروويف ؟ 🤔

فيتامين سي من الفيتامينات الحساسة جداً لدرجة الحرارة سواء في الميكرويف أو غيره ، وأفضل طريقة للطهي علشان نحافظ عليه هي طريقة الطهي على البخار ، وبردو لأقل فترة ممكنة 😉.

أتمنى أن تكون الصورة وضحت لينا كويس 😉