الوعد اليومي (الرَّبُّ صَالِحٌ لِلْكُلِّ)

[walaa farouk]

الرَّبُّ صَالِحٌ لِلْكُلِّ ( مزمور 145 : 9 )

أخدت من الرب وعود ؟؟ ( من الرب مش من نفسك ونسبتها للرب )
عدى عليك وقت كبير بدون أي تغير؟؟ .
. دنيتك اللي حواليك صعبة؟؟. مش شايف أي تغير ؟؟
.. محتاج معونة ومش قادر تكمل ؟؟ جواك بدل السؤال
لستة أسئلة؟؟ ناوي تكمل ولا خلاص نفسك خلص ؟؟؟

قوم الهج بصلاحه عمره ما هيتغير
. ولخيرك هيعمل المهم نخضع تحت إيديه القديرة .
تعالوا النهارده طول اليوم كلنا نلهج ونعلن صلاحة
. تعالوا نقوله أنت صالح حتي واحنا مش شايفين او فاهمين
. انت صالح حتي وأحنا مش صابرين او منتظرين .
انت صالح حتي لو الامور مش ماشية زي ما احنا عايزين .
تعالوا قدام صلاح الله نهدي ونخضع .
واللي هيجود بيه لخيرنا واللي هيشطب عليه لخيرنا كمان .
ولو في عيونك دموع قوم امسحها
وقوله انت صالح لانه لقدام هتعرف قد ايه كان لخيرك
وساعتها هتشكره بدل المره الف مره .
قول من كل قلبك الكلمات دي
اللي يرضيك يا رب يرضيني واللي تجود بيه أيديك يكفيني ..
لانك صالح جدا وبتعمل لخيري .
يلا مين النهارده هيعلن معاي صلاح الله علي حياته .
ويرتاح في صلاحه ؟
صباح الراحه . صباح النفوس العابده الراغبه
في تقديم ذبيحة حية مرضية للقدير الذي يستحق كل سجود وحمد .. مجدا لاسمه القدوس