الوعد اليومى ( لأَنَّ خِفَّةَ ضِيقَتِنَا الْوَقْتِيَّةَ تُنْشِئُ لَنَا أَكْثَرَ فَأَكْثَرَ )

[walaa farouk]

لأَنَّ خِفَّةَ ضِيقَتِنَا الْوَقْتِيَّةَ تُنْشِئُ لَنَا أَكْثَرَ فَأَكْثَرَ ثِقَلَ مَجْدٍ أَبَدِيًّا.
(كورنثوس التانية 4 : 17 )
أوقات كتير أبليس بيعكس الأوضاع قدامك فبتشوف الصورة بالمقلوب.
وميزان تقديرك للأمور بيختل لانك تعبان ومضغوط . الخفيف بيتقل عليك
والتقيل وله وزن وقيمة بتستهين بيه . او حتي مستعد ترميه المهم أنك تخلص من الي أنت فيه
الله عارف أن اناءك خزف لكن ليك كنز جواك وفضل القوة من الله مش منك . لا تفشل

. وأن كان كل شئ براك بيفنى . اثبت .
واحرص علي انه الي جواك يتجدد يوم فيوم
. الي أقام يسوع قادر يقيمك ويقيم أصعب امورك من الموت .

صلي الرب يصحح نظرك الروحي في وسط ضيقاتك علشان تشوف انها خفيفة جدا
في ميزان مكافأتك اللي هيتوزن بيه المجد الثقيل اللي بينتظرك .

صباح الأوضاع المعدولة . صباح المجد الثقيل علي حياتك لانك استهنت بكل
تعب لأجل الرب . قوم كمل مهما كانت شيلتك تقيلة
فهي خفيفية جنب المجد اللي ليك في نهاية الطريق ... هلل
ومن مجد لمجد للجميع