|
 |
 |
 |
|
رقم المشاركة : ( 1 )
04 - 12 - 2018, 10:22 PM
|
|||||||||||
|
|||||||||||
 ده كان صديق بولس..معني اسمه " جالب للنفع" اسم علي مسمي. .كان من افسس..اتذكر في الكتاب في 3 ايات بالظبط في رساله تيموثاوس الثانيه.. بس ثلاث ايات يحملوا معاني كتير للصداقه النادره اللي مش بنشوفها كتير. .في اول ايه بيقول عنه بولس انه كان مصدر عزاء وراحه ليه في اصعب الاوقات. .في وقت الناس كلها سابت بولس واتقلبت ضده انسيفورس الوحيد اللي ماداش ظهره لبولس. .في ثاني ايه بيقول عنه انه لم يخجل من سجنه وحالته الصعبه وقيوده وسلسلته بل دايما كان جنبه عشان يضمد جروحه ويخفف عنه❤ في ثالث ايه بيقول انه فتش عنه ودور عليه في سجلات سجون روما وعمل كل جهده واتعرض لمتاعب كتير ومخاطر الموت لحد ما لقاه ❤ كان ممكن انيسفورس يستني بولس لحد ما يخرج من السجن بس هو كان مستعد يموت عشانه عشان بس يلاقيه 😊❤ مش دايما بنلاقي اصدقاء او اشخاص في حياتنا زي انيسفورس روحنا بترتاح معاهم. . بس هما موجودين بس مش نادرين ..أصدقاء مصره تدور علينا واحنا مطفيين وحالتنا صعبه وبتدور علينا بكل جهد واحنا مستخبين من عيون اللي سابونا وجرحونا وخانوا الوعود والصداقه.. بتدور علينا واحنا فاقدين كل معاني الثقه. . فاقدين كل أمل في ان اي نور يجي..أشخاص بس همها الوحيد انها تكون موجوده جنبنا عشان تسند وتقوي وتكون مصدر راحه وانتعاش لروحنا المطفيه.. وتضمد جروح عملها غيرها وتساعد في الشفاء.. أصدقاء بتشاركنا لحظاتنا المظلمه مش بس أيامنا المفرحه. .أشخاص دايما تحمل لينا كل أحشاء محبه ورحمه كل وقت .ولان الله عظيم وصالح بيوجد في حياتنا أشخاص زي انيسفورس في كل وقت 😊❤ كن انت انيسفورس في حياه اللي حواليك..كن صديقا للمطفيين. . كن سبب في تخفيف الاثقال عن النفوس المرهقه ألم .. لو لقيت انيسيفورس في حياتك اوعي تسيبه او تفرط فيه 😊❤ 
|
| أدوات الموضوع | |
| انواع عرض الموضوع | |
|
| قد تكون مهتم بالمواضيع التالية ايضاً |
| الموضوع |
| انيسيفورس Onesiphorus |
| نبذة عن القديس انيسيفورس الرسول |
| انيسيفورس وجزاؤه |
| انيسيفورس ووفاؤه |
| "كل صديق يقول لي مع فلان صداقة لكن رب صديق انما هو صديق بالاسم" |
العرض الشجري