ورجعنا تاني ورجعلنا منتدانا الغالي تاني
ونبتدي بكلمتين كده كتبتهم يوم 17-1-2011
ويارب ينولوا اعجابكم
حبيتني وفديتني
وبدمك اشتريتني
واطعنت في جنبك
يارب بحبك
وهعيش احبك
وهيعيشني حبك
وهتعيش جوايا
ورغم اني خاطي
وبهرب من الوصايا
في حنيه قلبك
انت مفيش زيك
وفي عطفك وحبك
بتحسسني بقربك
جيت وفديتني وانا مستاهلشي
الحيه غويتني
من الشجره اكلتني
فكرت اني هفتح لكنها عمتني
يارب انا خاطي
ورغم اني يوماتي
بتتكرر غلطاتي
لكن انت حنين
بتمدلي ايديك
وانا حاسس بيك
وبتنده عليا
انا طالب طلبه
انك تديني نعمه
وتغفرلي الخطيه
انا اللي بجهلي
وانت بتندهلي نسيت الوصيه
جيت انت تندهلي وتدور عليا
كنت انا مستخبي لما شعرت بذنبي
مهنتش عليك عشان انا ابنك
دبرتلي خطه خطه الخلاص اللي تم بصلبك
معقوله انا استاهل كل داه يا ربي
جيت في صوره انسان
وقبلت تتهان
عشان ترجعني ليك زي زمان
واديني كل يوم بغرق في الهموم
ونسيت وعودك
لكن انت دايمآ
حنين عليا
وبتشملني بجودك
ياربي بحبك ومهما اقدملك
مش هقدر اوفي جميلك
ساعدني ياربي وعلمني دايمآ
اقف كل يوم
اقف اصليلك
ولما ببعد عنك بتدور عليا
وانا حاسس بيك
ساعدني اعيش بس عشان ارضيك
[/size][/size][/center]
