يستني حتي لما قوتك تخلص

[walaa farouk]

يهيج البحر ، و ينام السيد في المركب مستني التلاميذ لما يجربوا كل الطرق من فرد القلوع،
و الصراع مع الموج .. و بعدين يقوم بنفسه يسكت البحر و يشخط في الريح
؛ هديت العواصف بس لما فرغت طاقتهم و اعترفوا بفشلهم..

أسوار أريحا كمان كان مستحيل عبورها.. قعد الشعب يلف حواليها كل يوم مرة ،
و في اليوم السابع داروا سبع مرات ورا بعض لغاية لما جابوا آخرهم ؛
و لما وقعوا علي الارض من التعب وقعت لوحدها ..

لعازر قعد عيان فترة طويلة ، بس لما مات و نتن في القبر ٤ أيام
راح الرب ليقيمه من الموت علشان الرسالة توصل : بيتدخل بس لما الإنسان امله بيروح،
أو يوصل للموت ..

يا صديقي ، ربنا ح يجي بنفسه و يحل لك مشكلتك ،
لما كل الطرق تتسد و تجيب آخرك ح تلاقيه جه ، و حلها لك ،
و فرح قلبك ، علشان يقولك أنه هو بس اللي يقدر و ان كل طرقك ما بتنفعش..

آمين