الناس اللي بتسكُن قلوبنا تستاهل نتعب عشانها ونستحملها

[Rena Jesus]

لما تلاقي شخص غالي عندك متغير معاك وبقا شخص تاني غير اللي تعرفه ..

متاخدش الموضوع علي كرامتك اووى وتسيبه وتبعد ..

لانك متعرفش هو جواه ايه او حاسس ايه ..
يمكن يكون مضغوط وتعبان ومش قادر يناهد ولا يحكي ..

يمكن يكون حاسس بوحده وضعف وبيحاول يبين عكس اللي جواه عشان ميتحوجش لحد او يصعب على حد ..

يمكن يكون محتاج ايدك تطبطب عليه ونفسه يرتاح في حضنك بس مش قادر يطلب ..

مادام له رصيد في قلبك اوعى تبعد عنه .. خليك جمبه وطمنه ..

احضنه وطمن قلبه وقوله " انا بحبك ، انا جمبك " ، خليك سند له وآمان ..

استحمله واستحمل تغيره معاك لحد ما يفوق من اللي هو فيه ..

خلي ايدك في ايده لحد ما يعدي المحنه ..

الناس اللي بتسكُن قلوبنا تستاهل نتعب عشانها ونستحملها ..