بيخبرو عن رجال اعمال كانو راجعين من شغلن بسرعة كتير كبيرة لحتى ما يسبقن القطار، واحد منن بيلتطم بكمية كبيرة من التفاح كانت بنت زغيرة عم بتبيعن بس بيضل مكمل طريقو ، الرجال التاني طلب من اصدقاؤ يبلغو مرتو انو رح يتأخر لياخد القطار التالي ، وبلش يلم التفاحات ليقدمن للبنت لزغيرة يلي كانت قاعدة على كرسي لحتى تبيعن ، واكيد هالتفاحات كانو مصدر لحتى تعيش عيشة كريمة عالبنت، بس في كتير امور صدمت هالرجال ، اول امر انو في قسم من التفاح تضرر ، فكر وقال : الحل هوي اني اشتريهن واعطيا حقن ، وهونيك كانت الصدمة التانية لما اكتشف انو البنت عميا ما بتقشع ، بس الصدمة الأكبر لما سمع صوت البنت عم تقلو :انا اكيدة انو انت يسوع المسيح ، لأنو هوي يلي بيهتم بالناس المهمشين والمتروكين متلي. الزوادة اخوتي بتقلنا: بكلام الرب يسوع ، بقول كل يلي بتعملو مع احد اخوتي لزغار ،معي انا بتكونو عم تعملو...والله معكن...نهار مبارك
24 - 10 - 2018, 02:27 AM
العرض الشجري