حبيبى اهيم عشقا فى جمالك وحلاوه قلبك

[walaa farouk]

بابا يسوع ياحبيبي بحبك اوى اوى اوى لانك اكتر حد حبنى لانك اكتر حد اتجرح منى ولسه عاوزنى لانك اكتر حد شايفنى جميله رغم القبح اللى فيا .
بابا يسوع شايف قلبى يمكن صغير بين ايديك لكنه حابب جوه منه يخبيك حابب يقدمه ذبيحه حمد وتسبيح تليق بيك .
بابا يسوع كتير بغلط واجيب اللوم عليك وكتير تسامح وتنسى اللى عملته فيك وكتير تقولى مهما وقعت همد ايدى تنجيك وارفعك وجنب منى هخليك .
بابا يسوع ياما جريت منك وبكيفى هجرتك وتقلت عليك

وبدل ماتزعل كنت بتلاحقنى بعنيك وتعبد عنى اخطار وشرور لعدو عنيد مغرور .
بابا يسوع لما بجيلك ندمان على غلطتى بلاقى عنيك ضحكتلى وشوقها يندهلى حضنى برد يابنى من يوم ماسبت البيت تعال ادفى بيك .
بابا يسوع الكل عارفك ومهما قولت حقك مش راح اديك كل الكلام يعجز قدام حقايق بعشها كل يوم فيك .
بابا يسوع الطله فى عيونك تورينى بحور صافيه تشرق الشمس عليها وتغرب بخيوط دهب تقيد القلب بالهيب حبك ويحس نفسه غريق فى عشقك .
والنظره لوجنتك وخدودك حمر خجلهم يشدنى فى غزل يأثرنى ويشد عينى منى ويخلينى اتوه فيك .
اما شفاك خمر يسكر من حلاوته يلهب نفسى اشواق تتجدد طول مانا قريب ليك
حلاوتك تأسر قلبى وترجعنى مهما طالت غربتى عند رجليك اعد واتبت ماتعتعش انا عشان اشبع بيك .
ندمان انى معرفتش من زمان ادوق كل دا فيك ولا صدقت انى قيمتى غاليه بيك ولا شوفت حلاوتى اللى كانت بتزيد لما اعد جنبك اتأمل فيك .
سنين ياما علاقتى بيك كانت كلام ابن عم حديت لكن دلوقتى عرفت ادوقك واشبع بيك عرفت ان الكفايه بس فيك عرفت ان العشق كله موجود فى قلبك ناحيتى وانك ياما سترتنى بعشقك ولا يوم سبتنى لابليس يزلنى .
ياما شوفت الدنيا بتسود وضغوط حواليا بتزيد وفيا تشد وكأنك بتعاقب قلبى اللى ياما سابك وهج واتاريك جوه منه
بتجبر كسور جرحته وتصلح شروخ ياما فيه كانت بتهد وياما قسوه كانت بتساويه بالارض لكن ايدك وهبت حياه خلت الحب اللى جواك يبقى ليا طوق نجاه مفتاح يفتح تانى الف بابا وباب واتارينى مش بس بنتك
ولا حبيبتك لا دا انا طلعت ياقلبى معشوقتك ليا حق ادوووب فى رقه قلبك واسكر من خمر حبك ومش بس اقولك انى بحبك لكن اسمحلى اقولك
لو عشقتك طول العمر قليل عليك
لو دوبت فيك باقى ايامى ماتجيش ورده اقدمها ليك
ولو استخبيت فى حضنك وبين ضلوعك دفا قلبك هيشبعنى دفا فيك .
بابا يسوع كلمه بحبك قليله اووووووووى اوووووووى عليك
.حبيبى اهيم عشقا فى جمالك وحلاوه قلبك
اللى لمستهم فى قربى ليك علمنى اذاد عشقا واذاد اسرا فى حبك يامن وهبت نفسك لى 💝💘