الاسم : م-م-ذ
انا طالبة في كلية الطب سنة تانية حصلت معايا معجزة ببركة وشفاعة الشهيد بيشوي هو شفيعي من اول السنة لانه كان في كلية طب ودايما حاسس بيا وفاهمني في امتحانات الميد ترم كان عليا امتحان فسيولوجي ودي مادة معروفة انها كبيرة وصعبة كنت مذاكرة كويس خالص ودخلت الامتحان وحليت تقريبا معظم الاسئلة صح وجيت عند سؤال المقارنة عكست الاتنين اللي كانوا مطلوبين في راس السؤال ومعروف ان القسم مش بيصحح وخلاص المهم زعلت جدا من الشهيد بيشوي وقلتله لولا السؤال ده كان زماني قفلت الامتحان وفضلت متضايقة فترة كبيرة لاني كنت مذاكراه وعارفاه كويس واستنيت نتيجة الامتحان وكنت واثقة في الشهيد بيشوي لانه سريع الندهة فعلا والنتيجة كانت اني قفلت الامتحان ومنقصتش ولا درجة ده غير انه وقف معايا كتير في كل الامتحانات وانا وعدته اني انشر المعجزة
شكرا يا شهيد بيشوي ليتمجد اسمك يارب وكمل معايا يا شفيعي
08 - 10 - 2018, 03:29 PM
العرض الشجري