وَصَانَهُ كَحَدَقَةِ عَيْنِهِ

[مورا مرمر]

عموما انا مش بحب اكتب على الفيس بوك حاجة بس لما بحس ان فى وسط مفرمة الحياة أن ربنا بيبعت رسائل معينة فى وقت معين تقول من ذا الذى يقول فيكون والرب لم يأمر بهذا،
النهاردة واحد صديقى شاب مش كبير بيقولى بما معناة "ياما دقت على الراس طبول" فأنا ضحكت مستنكرا وقولتلة هو حضرتك قد اية علشان تقول كدة فقال لي احكيلك قولتلة احكى ياسيدى.
فاورانى صورة على الموبايل وقالى شايف.
انا: ايوة دى أجبية
هو: دى اخذتها هدية من الكنيسة وانا فى ابتدائى.
انا: حلو وبعدين
هو: كنا فى الجيش فى العريش وطالعين مداهمة ونسيت البس الجاكيت الواقى.
واتضرب علىَ رصاصة والأجبية فى جيبى .
انا: وبعدين
هو: شايف الصورة دى الرصاصة عملت ايه في الاجبية.
انا: بصيت لقيت الرصاصة واقفة على مزمور الساكن في عون العلى. 😯😍😍
الخلاصة
رسائل كتيرة ربنا بيبعتها منها ناس تتحط فى طريقك فى وقت معين رسائل تطمن تعزى تشجع "وَجَدَهُ فِي أَرْضِ قَفْرٍ، وَفِي خَلاَءٍ مُسْتَوْحِشٍ خَرِبٍ. أَحَاطَ بِهِ وَلاَحَظَهُ وَصَانَهُ كَحَدَقَةِ عَيْنِهِ."
#حدث_بالفعل 😍😍😍😍😍