زوادة اليوم : الاستسلام بيخبّرو عن عالِم جيولوجي، قام برحلة إستكشاف داخل الأدغال. وصل لعند قبيلة من سكّان المنطقة، استقبلوه بكل ترحاب، لَفَتلو نظرو مشهد كتير ما بينفهم: فِيل ضخم مربوط بجذع شجرة بحَبِل رفيع، وما كان عَم يفهم كيف هالكائن الضخم مربوط بحَبِل رفيع، وأكيد عند أيّ محاولة حركة شمال أو يمين بينقطع الحبل، وأكتر من هيك، يمكن بيقبع الشجرة. سألُن عن السبب، خبّروه إنّو هيدا الفِيل مِن لَمّا كان زغير ربطوه بهالحبل الزغير وما كان عندو القدرة إنّو يقطعو، كِبِر هالفِيل وكِبرت معو القناعة إنّو ما في عندو القدرة إنّو يقطع الحَبِل. الزوّادة بتقلّي وبتقلّك الخطية حَبِل كتير رفيع، ما تسمح إنّها تكون قَيد على قلبك، تستسلم لإلها وترفض تواجهّا. لازم أنا وإنت، نحِطّ كل ثقتنا بالله القادر على كل شيء ونتسلّح بالصوم والصلاة وأكيد منتغلّب على الخطية ومنحطّم كل القيود، والله معك.
03 - 07 - 2018, 04:06 AM
العرض الشجري