ابنك من سن سنتين ل ٣ سنين

[walaa farouk]

ابنك من سن سنتين ل ٣ سنين :

👈🏼 بيبتدي يكتشف انه مش محور الكون ..

و هيفهم ان الناس اللي حواليه متخلقوش بس عشان يلبوا طلباته و رغباته .

. و هيصطدم بإن في معوقات كتير تحول دون تنفيذ الكتير من رغباته ..

((باختصار هيبتدي يتعرض لأول احباطات frustrations في حياته))

👈🏼 حصيلته اللغوية لسه مش مساعداه انه يعبر عن المشاعر الكتير اللي بيحس بيها

او انه يتفاوض للحصول على اللي عايزه

✋🏾 عشان كده بيحصل حاجتين مزعجين و بيضايقوا الاهل جدا:

1. أطفال كتير بيدخلوا في نوبات صراخ و عصبية (tantrums)

وتلاقيه بيرمي نفسه على الارض و يرفس و يصرخ و يتشحتف بهيستيريا

2. بيستخدم العنف كوسيلة من وسائل التواصل مع الغير لانه

زي ما قولنا يفتقد لوسائل التفاوض الاخرى زي استخدام اللغة للمنطق و الإقناع

،، فيبتدي يضرب و يعض و يشد

✋🏾 دورك :

👈🏼 ممنوع منعا باتا ان نرد الضرب بالضرب .. كده هيتعلم انها فعلا وسيلة من وسائل التواصل

و التفاهم بين البشر.. مينفعش .. بي لازم كمان نمسك ايده و نمنعه انه يضربنا

👈🏼 لو الطفل دخل في نوبات من دي و رمى نفسه على الارض .

. الحل هنا هيكون التجاهل التام .. مفيش رد فعل لا بالسلب ولا بالإيجاب ..

استجابتنا بأي طريقة معناها بالنسبة ليه انه نجح يضغط علينا او يلفت انتباهنا بتصرفه

ده وبكده الموضوع ده هيكرره تاني و تالت ..

مدام مش خايفيين ان الطفل يؤذي نفسه لازم نتجاهله خالص ..

((طبعا مش محتاجين نقول ان احنا اكيد مش هننفذ اللي هو طلبه))