حياه واحدة فرصه واحده عشها صح

[walaa farouk]

بعد شغل طول حياته قرر مهندس إنه يتقاعد
أتكلم مع صاحب العمل وقاله إنه خلاص قرر يتقاعد،

صاحب العمل زعل لان المهندس هو افضل المهندسين عنده

فكر شويه وطلب منه قبل مايتقاعد إنه يبني بيت واحد كمان آخر بيت ينهي بيه مشواره العملي.

اضايق المهندس، وفكر يعني طول عمره العملي شغال معهم ولسه هيطلب منه بيت كمان.

... ولكنه وافق

وبني البيت بعدم اهتمام وبطريقه سيئه جدا مش زي عادته حتي الخامات أختار خامات جودتها منخفضه واسوء مايكون.

يوم تسليم البيت جه صاحب العمل وشكر المهندس جدا، وسلمه مفاتيح وورق ملكيه البيت

وقاله ملقيتش أفضل منك يبني بيتك، أنت كنت خير واامن صديق طول رحلتنا مع بعض أتمني تقبل هديتي ليك.

المهندس بني أسوء بيت في حياه العمليه ولكنه بني بيته هو باسوء الخامات والطرق.

بأدينا بنبني حياتنا بطريقه غلط، بنبنيها بردود أفعال بدل فعل، في أهم المواقف

والقرارات مش بندي افضل ماعندنا.
وبعدها نبص بصدمه لبيت حياتنا اللي بنناه علشان نعيش فيه وهو لا يصلح..

.. ونبتدي نفكر لو كنا اتصرفنا صح كنا بنينا حياتنا صح.

أنت المهندس، كل مسمار كل طوبه في بيت حياتك إنت مسئول عنها..

. ابنيها بحكمه، بفعل مش رد فعل. لان الحياه فرصه واحده مشروع بناء ذاتي أنت المسئول عنه،

حتي لو فاضل فيها يوم فأنت تستاهل إنك تعيش اليوم ده مش تموته.

حياتك إنهارده هي نتيجه إختيارات إمبارح، وحياتك بكره هي نتيجه إختيارات وافعال إنهارده.