خلى توقاعتك فى ربنا

[walaa farouk]

نصيحة علاشان تعيش مبسوط
( خفف توقعاتك شوية)

† احياناً كتيرة إللي بيِتعِب البعض انه بيتوقع كتييير، يعني بينتظر كتييييير من اللي حواليه ولكنه بيُصدم بعكس اللي كان يتوقعه والنتيجة انه بيزعل وياخد موقف.
والكلام ده على جميع المستويات ( الاسرة الكبيرة " الاقارب"، او الاسرة الصغيرة الزوج وزوجته والاولاد، او الاخوات مع بعضهم ، الاصدقاء، او حتى جوا الكنيسة نفسها).
متوقع حد يسأل عليك ومسألش!
متوقع حد يهتم بيك وما اهتمش!
متوقع حد يراعي احتياجاتك ولا هو حاسس بيك اصلاً!
متوقع ان حد يفتقدك ويزورك بس ولا كأنك موجود!
متوقع انك تاخد ترقية او زيادة في شغلك بسبب تعبك وكفائتك فإدولك بدالها فوق دماغك مع شوية خصم من المرتب!
متوقع ... متوقع .... متوقع .... والنتيجة عكسية !!!!
†† الوحيد اللي تتوقع منه وعمره مايخذلك هو ربنا زي ماقال عنه القديس بولس الرسول "و ِكل من يؤمن به لا يخزى" (رو 9 : 33).
††† لم تخلى توقعاتك في ربنا، ربنا يحرك الكون كله علاشانك ومن غير ماتزعل من حد.