|
 |
 |
 |
|
رقم المشاركة : ( 1 )
21 - 04 - 2018, 07:27 AM
|
|||||||||||
|
|||||||||||
 عن حالة الخرس قبل الفراق .... اصعب حالة ممكن الواحد يعيشها هى حالة الخرس دى.. بتكون بعد طول معافرة وأمل واستموات ف نتيجة مُرضية تطمننا بس اننا كنا صح لما اختارنا نتحدى مخاوفنا و نكمل بعد مواقف صعبه كل موقف فيهم ألعن من التانى تحت شعار "مسيرها تروق وتحلى".. الخرس اللى بييجى بعد طول كلام وشرح لأوجاع كان واجب يتحس بيها ورغم كده كسرنا الواجب على امل ان دى السكة الابسط والانجح.. الخرس اللى كان قبله بكاء وعتاب ورجاء ف عدم الندم وعدم رفض وعود جددت فينا امل جديد.. الحقيقة ان كلنا بنحاول نتمسك بكل خيط ضعيف باقى ما بيننا طمع ف وجود الشخص اللى معانا وحبآ فيه.. لكن دايما بيكون فى طرف مطمن لدرجة استسهال المرحلة الجديدة والفرصة التانية والتالتة والرابعة.. طرف مطمن لدرجة نسيان حجم المسؤولية والامل المنتظر من اللى معاه ومدى رُفع الخيط فى كل مرحلة عن اللى قبلها..... مطمن لدرجة انه مبيصدقش الوجع غير لما الخيط يتقطع ويتقطع معاه اخر صوت ونفس وامل فى بكره وفى نجاح اى علاقة حواليه... اى حد مرتبط، حافظ على الخيط وقّدر الفرص وقرب اكتر وامسك فيه جامد وامسك كمان فى وعودك لان طريقة التمسك اهم بكتير من مجرد القدرة ع الاحتفاظ، وافهموا ان الوعود بتجدد اما لو خاب ظنها بتقلب خيبة امل وحالة خرس محاطة ب شريط ذكريات اسود مستحيل يحصل بعده غفران لانه بيسحب الشريط من اوله مش بس اخر مقطع ما بينكم ووقتها بتكون الحياة خلاص اتعقدت وخيبة الامل حسمت الحكاية... كل فرصة بتاخدها هى فرصة كمان من عند ربنا، لو متعلمتش حاجة منها يبقى متستحقش غير زوالها..وربنا يكفيكم شر اليائس لما يستغنى. 
|
| أدوات الموضوع | |
| انواع عرض الموضوع | |
|
العرض الشجري