زوادة اليوم : الفدية والاعدام

[souad jaalouk]

زوادة اليوم: الفدية والإعدام

بيخبرو عن ملك، قرّر يوم عرسو يمرق بشوارع المملكة مع عروستو. فجأة بتطلب العروس من الموكب يتوقّف، من بعد ما شافت مشنقة وشبّ عم بيعلقوه ت يشنقوه.
طلبت الأميرة من الأمير يعفي عنّو خاصّة إنو هالنهار نهار عرسو، بس مع الأسف الشديد قاضي القضاة رفض، إلاّ بشرط واحد وهوّي يندفع ميّة قطعة دهب فِدية عنو.
فتّش الأمير بيلاقي معو 90 والأميرة 50 نزلت ع الشارع وصارت تطلب من الناس حتّى صار المبلغ 99، بسّ القاضي ضل مُصِرّ ع الاعدام، ساعتها بتطلب الأميرة يفتشو الشب لّي بدّن يشنقوه، بيلاقو ليرة بجيبتو وهيك خلّص من حكم الإعدام.
الزوّادة بتقلّي وبتقلّك:
«الحياة عطيّة من الله لازم نحافظ عليها ويسوع افتداها مش بس بألف دهبية إنّما بدمّو يلّي سفكو على الصليب».والله معكن