|
 |
 |
 |
|
رقم المشاركة : ( 1 )
14 - 02 - 2018, 09:06 PM
|
|||||||||||
|
|||||||||||
 بأحب الحب بكل تفاصيله الصغيرة والكبيرة بنظرات العيون وخطفة القلب وقت اللقاء والغيرة من ضحكة زيادة مع حد تانى والإنتظار والتأنق علشان تبهج عينه..بأحب الرسايل إللى من غير مناسبة وال( سيم) إللى ماحدش يفهمه غيرنا ... تفاصيل الحب البسيطة مش تفاهة وإلا ماكانش الكل يشتاق له ويقعوا فيه ! وبأحبه كمان لما يهدى وينضج ويستوى من غير هيستيريا ودراما .. . ويبقى رايق ومرتاح ومطمئن للحبيب مش ناوى يغدر أو يخون ومش خايف ومترقب من شريكه .. بأحبه لما يعقل ويتعلم لغات تانية جنب الكلام - مش بداله- لما يبقى قوى وتعرف تتسند عليه .. لما يبقى كبير كفاية انه يساع كل عيوبك وتفاصيلك ويكمل نقصانك من غير معايره ولاتفضل ! بأحب الحب إللى مش أنانى ..إللى يأخدك من إيدك ويعلمك تحب دوائر اكبر من الناس والحاجات إللى يفتح عينيك مايغمضهاش! ينورك مش يطفيك! بأحبه لما بيبقى واعى ..يعرف يحطك قصاد مراية تعرى عيوبك علشان تشوفها انت بس وف نفس الوقت هو يحضنك ويسترك ! بأحب الحب لما بيقدَم لكن مايعجزش ..قيمته تزيد ودمه يخف ... بأحب حب الجدعان إللى يرد غيبتك ..اللى تسيبه وانت مطمن على صورتك وعلى اسمك وعلى عرضك ! إللى يفكر فيك واللى يفكر ليك ! بأحب الحب بكل تفاصيله ... حب الأصحاب والجدعان والنَّاس البعاد إللى بيحبوك من غير سبب !! بأحب الحب النظيف ..إللى رافض يتشوه ويحط نفسه جوا قوالب معووجة وموازين مقلوبة ... بأحب إللى بيحبوا وبيصدقوا ف الحب ...بأحب أشوفهم مع بعض .. حلو الحب بكل تفاصيله .. الحب إللى لسه يادوب ... والوردة و الدبدوب إللى عيده كل سنة ...والحب الكبير الراسى إللى عيده كل يوم ...! حلو الحب ❤️ 
|
| أدوات الموضوع | |
| انواع عرض الموضوع | |
|
العرض الشجري