|
 |
 |
 |
|
رقم المشاركة : ( 1 )
17 - 07 - 2012, 06:26 AM
|
|||||||||||
|
|||||||||||
|
للأب القمص أفرايم الانبا بيشوى  ليه صديقة عزيزة على قلبي بتمناها دائما تبقى فى جنبي لكنها عليا مرات تزعل او تدلل تبعد وتقولي مخاصماك أفضل متحير وانا رايح جاى ، واشرب فى القهوه والشاى، ويطير النوم من عيناي واصلى ترضى وتيجى حداى. الست الهام مصدر الهامي بتصحينى حتى من أحلى منامي وتقول امسك قلمك يله وأكتب وانا وياك هاقعد على المكتب انا اصلى كمان صاحبة كيف! والادباء احتاروا فى وصفى والتعريف وانت يا شاطر بعدك جاهل مين بقى هيا الست إلهام ؟ ................. قالت لي فى جلسة إعتراف. دا اللي عرفني من الادباء مش كاحتراف. رفعته انا بقى لأعلى مقام واللي كسل وليا أتجاهل انا سبته وبقي نكرة مش ماهر. قلتلها شوفي يا ست الهام انا عمري ما سمحت لوحده تبقى مصدر الهامي ولا حتى تجيلي فى منامي ولا على عقل ووجداني تتأمر ولروحي تقول وعليا تدلل اصلى انا بطلب روح الله يقودني وهو ولا يوم لحد حوجني الا انتي يا ست الهام انتي بقيت ليا غرام حتى لو تيجى فى أي زمان اقولك انا بقيت بيكي هيمان انت سيدة الفكر والوجدان وليكي منى الأمان. ...................... خليني احس انى إنسان معجون بالمحبة والاحسان على البائس والمظلوم والمنهان وبسمة تفرح قلب الخاطئ وتقوله ارجع لربك وتوب وهو يغفر كل ذنوب خلينا سوا نقرع على القلوب ومصيرها تثمر والثلج يذوب ويجي ربيع حياتنا الروحية مليان بالاثمار البهية ونفرح رب البشرية انا وانتي يا ست الكل وتبقى ريحتك فل الفل واصونك بين الضلوع وأخلى راسك مرفوع وتعيشي سعيده يا ست الهام ويحفظك رب الانام وحتى لو حرمتينى من أحلى منام تبقى انتي اشهى من كل الاحلام تبقى تسبيحه فى القلوب يسمعها الخاطئ ويتوب وتكوني بسمة على الشفاه يقراءها الناس ويقولوا الله 
|
| أدوات الموضوع | |
| انواع عرض الموضوع | |
|
| قد تكون مهتم بالمواضيع التالية ايضاً |
| الموضوع |
| الطاحونة وجمالها😍❤ |
| أم النور وجمالها الداخلي |
| رفقة وجمالها الأدبي |
| النافورة وجمالها الخاص |
| إلهام ودلالها |
العرض الشجري