زوادة اليوم: أعمال الخير
بيخبرو عن مرا عاشت حياتا مش فارقة معها حدا و ما كانت تعامل الناس منيح . و تركتهالدني ما حدا ذاكرها بالمنيح . و بس وقفت قدام الرب تا يحاسبها قلها : رح خلصك ﻷنك عملتي عمل خير مرة عطيتي بصلة لمرا فقيرة، تمسكي بالبصلة تا احملك طلعك عالسما . تمسكت بالبصلة و تمسكو فيها كتير ناس معذبين صارت تصرخ : تركوني هيدي بصلتي الي هيدي بصلتي انا عطيتا للفقيرة مش انتو تركوني ! و قد ما شدت وقعت هيي و البصلة و الناس اللي مهدايين فيا . هيدي المرا تفاخرت بعمل الخير الوحيد اللي عملتو و قد ما شافت حالها خسرت الخﻼص و خسرت كتار معها . و انت اذا ساعدت بتتفاخر بمساعدتك او بتقدم اعمالك لمجد الله؟ بزمن الصوم عمل الخير فضيلة يسوع بيقول ما تخلي ايدك اليمين تعرف شو عملت ايدك الشمال و الله معكن
08 - 01 - 2018, 03:19 AM
العرض الشجري