الراجين الله

[walaa farouk]

كلمه حطها في قلبك في بدايه السنه الجديده
##########################
عارفين الخطيه اللي الواحد كل شويه بيتنكد بسببها.. وتصرخ لربنا وتزعل من نفسك انك بتعملها وتتوب وتتناول وتعترف وتحس انك فرحان وفجاءه تقع فيها تاني وتبقي كل سنه جديده عندك امل كبير ان الخطيه دي تخلص وتلاقي نفسك في السنه بتقع فيها تاني اكنك لا صرخت ولا صليت؟ وفجاءه تحس ان مافيش فايده خلاص وان ده وضعك الطبيعي وتحس انك هاتعيش بيها اكنك عايش بمرض وراضي بيه؟ اهو انا عاوز ابشرك بحاجه خدها جوه قلبك اوي في بدايه السنه وعيش بيها. كل صرخه وصلوه او توبه او رفض للخطيه انت عملته هو اكليل كبير ولما ربنا يريد ان روحنا تسيب جسدنا هاتتفاجئ باكاليل مستنياك في باب اسمه باب الرجاء هاتلاقي اسمك مكتوب من اسماء (الراجين الله) زي ما في باب للشهدا وللمعترفين والقديسين والنساك في باب هانلاقيه اسمه باب ( الراجين الله) ماتخافش يلا نكمل ونفضل مهما حصل ماسكين في الرجاء علشان لما روحي تسيب جسدي تيجي الست العدرا وهي اللي هاتدخلني من باب الرجاء وساعتها هانعرف ليه بنقول عنها انها في التسبحه(مفتاح الرجاء) ..ماتخافش كمل كل ما الطريق بيطول كل ما الاكاليل بتزيد.. ماتخافش