14 - 12 - 2017, 02:46 PM
|
|
|
|
† Admin Woman †
|
|
|
|
|
|
المسيحى مش لقمة طرية
الحكاية مش حكاية قوووة
الحكاية حكاية محبة و أمان
المسيحى من برة و جوووة
عمره ما كان فى يوم جبان
مش معنى أنه بيسامح
يبقى ضعيف أو خواف
لو قريت تعبير الملامح
هتعرف أنه ياما شاف
شاف اللى ما حد شافه
ولا عمره مال و انكسر
جبال الظلم فوق كتافه
لكن فى الآخر أنتصر
اللى تملى ربنا معاه
عمره ما يكون مكسور
حتى لو حقه تااااااه
بكرة بيرجع معاه النور
المسيحى بجد مش غلبان
ولا عمره كان يوم ضعيف
دايما وقت الشدة بيبان
راجل مرعب أسد مخيف
المسيحى مش لقمة طرية
اوعى تفكر أنه قش و ريش
ماسك فى ايدين ربنا القوية
و ايدين ربنا طبعا مبتتنيش
أوعى تفكر تيجى عليه
اسمع منى النصيحة دية
حقه بيجى قدام عينيه
خاف من الردود الربانية
لو كان الجبل بيتكلم
او حتى نطق لسانه
يقولك لما المسيحى أتألم
الجبل اتحرك من مكانه
الظلم أخرت طريقه شوك
ميعرفش أبدا يطرح ورد
حب أخواتك مش بيكرهوك
خلى السلام يملا الأرض
المسيحى زيى و زيك إنسان
مش جاى من كوكب غريب
سيبك من اختلاف الأديان
تحيا مصر بالهلال و الصليب
كلمات : محمد فتحى
|
