زوادة اليوم : الكبرياء
الخطيّة الأولى اللي عملوها آدم و حوا بس قبلو اغراء الحية وقت قالتلن: "تصيران مثل الله..." (تك3: 5) هيّي الكبرياء...
الإنسان كان هدفو يِعلا حتى يصير متل الله، قام الله نزل لعندو و صار يشبه الناس!
الانسان كان بدّو يكبِّر حالو و بعدو لليوم ضايع عم يفتّش عا طريقة يبيّن حالو. الانسان بيشوف العظمة بالكبرياء بوقت اجا ربنا فسّرلو كيف انو العظمة الحقيقية بتجي من التواضع! حتّى انو راح ابعد من هيك و قلنا: "أكبركم يكون خادمًا لكم. فمن يرفع نفسه يتّضع، ومن يضع نفسه يرتفع" (مت23: 11، 12). يسوع ما ترك مثل عن التواضع ما عطانا ياه و لا بقي عمل رحمة ما عملو حتى يفرجينا انو النظريّة الأرضية بهالموضوع غلط و انو المظاهر منها الا قشرة سطحية!
شهر حزيران هوي شهر قلب يسوع. بهالفترة منسمع و منردّد كتير: " يا يسوع الوديع والمتواضع القلب: إجعل قلبنا مثل قلبك"
نحنا اليوم مدعوين نتعلّم التواضع من يسوع و الله معكن
14 - 11 - 2017, 03:31 AM
العرض الشجري