وقبل ما تبُص بره شوف نفسك الأول.

[walaa farouk]

أنه أن ظن أحد أنه شيء وهو ليس شيئًا فانه يغش نفسه ( غلاطية 6: 3 )

ببساطة الآية دي بتقول خلي بالك لحسن تفتكر نفسك حاجة وفي الآخر تطلع ولا حاجة.. طبعاً أكيد جه في دماغك دلوقتي حد معين عايز تقوله الجملة دي، بس انت تعرف إن الآية دي مكتوبة مخصوص علشان كل واحد يفحص نفسه ومالوش دعوة بغيره! مرات كتير لما نعمل حاجات حلوة والناس تبتدي تمدح فينا وتشكرنا بنحس بنفسنا أوي مش شرط يكون جواك كبرياء يعني بس الإحساس بتاع أنا شاطر أهو وهتبتدي تشوف نفسك يعني، الله والكتاب المقدس مش ضد إنك تكون شاطر وتثق في نفسك وتكون فخور بيها كمان، بس خلي بالك من الكبرياء، واللي بيحكم إذا كان الإنسان ده فعلاً هو حاجة ولا لأ الله ، لأنه هو الوحيد اللي بيقدر يشوف الدوافع اللي من جوه مش أي حد من البشر، خلي بالك من الكبرياء، الخطية دي بالذات وقّعت ناس كتير أوي، وقبل ما تبُص بره، شوف نفسك الأول..