|
 |
 |
 |
|
رقم المشاركة : ( 1 )
03 - 11 - 2017, 06:33 AM
|
|||||||||||
|
|||||||||||
 - رفضتى العريس ليه يا بنتى ؟ = مش معايا على نفس الخط - ازاى يعنى؟ = بسأله ازيك فقالى الحمد لله ،فقولتله دمتم ، بصلى باستغراب وقالى ربنا يخليكى - طب وايه المشكلة ؟ = مقاليش دم دم دم دم دمتم سالمين ، مش بقولك مش ماشى معايا ع الخط ، انتى عارفة ده معناه ايه؟ - ايه = انه مكنش بيشوف الكرتون ده اصلا - بس ده مش سبب يعنى ،يمكن غفل عنه فى طفولته = ما انا قولت كدة بردك ، وقولت هختبره فى حاجة تانى عشان مظلمهوش - اه = فبقوله بتحب الاكل ؟ لقيته بيستغرب تانى وبيقولى اه - طب ما هو ده رد طبيعى اهو = انتى متخيلة الكارثة ؟ مقاليش انا مش بحب الاكل ، انا بعشقه ،انتى عارفة ده معناه ايه؟ - ايه؟ = انه مشافش الفار الطباخ ، مسمعش عن الخلطبيطة بالصلصة طول حياته ، بقولك كارثة كارثة - طب مدتهوش فرصة تانية ؟ = لا اديته طبعا عشان يبقى عدانى العيب - عملتى ايه المرادى؟ = بيقولى ايه المبدأ اللى ماشية عليه فى حياتك ، فقولتله هاكونا مطاطا ، تخيلى قالى يعنى ايه؟ ده مش عارف تيمون وبومبا ، الموضوع كارثى - معلش يا بنتى يمكن كان ملبوخ بس او مسمعش كويس = قولت كدة صدقيني وقولت هتنازل واعمله اخر اختبار بقى - اه وبعدين = بقوله انت شخصية خيالية ولا واقعية ، قالى لا واقعية بس لا بأس من بعض التخيلات للهروب من الواقع شوية - طب حلو جدا ديه ميزة = اه طبعا هو حد قال غير كدة - ايوا فين المشكلة ؟ = هقولك ،بقوله تخيل لو ان التلفزيون من غير سبيستون ؟ قالى و ايه المشكلة ، مسمعتش منه "هذا محال هذا محال" طلع ملوش فى التخيلات اصلا انتى مدركة الكارثة؟ - طب ماهو ممكن التخيل ده معداش عليه كنتى خلتيه يتخيل حاجة تانى = تخيلى بيسألنى على اصحابى ، فبقوله انا محاطة بشلة متخلفة لقيته بيقولى ليه بس وبتقوليها بالنبرة ديه ليه؟ - انتى بتشتمينا ليه طيب ، ونبرة ايه اللى بتتكلمى بيها؟ = انتى متعرفيش سيمبا زيه؟ متعرفيش اسكار؟ انا ازاى نسيت اختبرك زيه ؟ - ايه؟ = طب هاكونا مطاطا؟ - ايوة انا لسة كنت هسألك هى معناها ايه ؟ = ده اخر كلام ما بينا خلاص - ليه = لما تحفظى قفشات الكرتون ابقى تعالى وكلمينى 
|
| أدوات الموضوع | |
| انواع عرض الموضوع | |
|
| قد تكون مهتم بالمواضيع التالية ايضاً |
| الموضوع |
| شكرا انك معايا النهارده كنت معايا امبارح هتكون معايا بكرة |
| مت 11: 27 كل شيء قد دفع اليّ من ابي |
| الخط الوهمي |
| تعالوا الىّ |
| خليك معايا قربني ليك وقت الالالم خليك معايا |
العرض الشجري