أوعى تصعب عليك نفسك

[Rena Jesus]

فيه حاجة ابشع من الصدمة, ابشع من الفراق, ابشع من اى تصنيف ممكن يتقارن بيها,
فيه حاجة اسمها الخذلان , ودة ربنا يكفيكم شره ,
الخذلان بيحطمنا من جوه قبل برا,
وهو انك تفضل تتعشم وتحكى وتسمع وتناقش وتشارك وتتدلع ويبان ضعفك مع شخص واحد بس,,
انت اختارته بقلبك قبل عقلك وده مِ ذنبك ولا بأيدك, انك حبيته وفضلتة عن كل الناس, وييجى فـ الاخر يخذلك,,

لما الشخص ده بيخذلك بيخلى نفِسك تصعب عليك ,
والـ تصعب عليه نفسهُ بيتوجع اوى وبيحس انه اتهان بجد واتقل منهُ ومن كرامته ,
كأنك فضلت تربى حاجة ولما كبرت سابتك وراحت لغيرك ,
كأنك فضلت تروض فـ شئ ولما كبر نهش فيك اول واحد,,

لا بيكون هاين عليك انك تقتلهُ ,
ولا بيكون هاين عليك نفسك انه بيلتهم فيها بالشكل الجشع ده ,,
لكن ولا يهمك , الـ خزلك بكره ربنا يخذلاه ,
والـ كسرك بدون ذنب بكرة يشوف اقرب الناس ليه وهى بتخلص حقك منه,,
ولا يهمك اصل ربنا محال انه يظلمك عشان يفرح غيرك,
وبكرة تشوف بعنيك عوض ربنا,,

ربنا بيعوض اضعاف اضعاف الـ خسرناه وعوضه بيبقى احلى مليون مرة. فـ اطمن ,
وخلى الضحكة ماليه وشك وبطل تشيل همً.
cpd