اتعلم تتعامل مع مشاكلك

[walaa farouk]

الناس كلها عندها مشاكل

حتى الاتنين اللى حاطين صورتهم فى حضن بعض , بيتخانقوا الف مرة سوا كل يوم .

حتى اللى فرحانة بالنونو اللى معاها و مصوراه مش عارفة تنام منه بقالها شهر .

حتى اللى بتتفسح كل يوم و بتنزل صور اكل و ملاهى عيانه و بتحاول تفرح نفسها .

حتى اللى بتشوفه بيضحك ف وشك ممكن يعيط اول ما يبقا لوحده .

حتى اللى لسا متوظف جديد و المفروض فرحان بوظيفته عنده حاجات ف البيت منكدة عليه .

حتى اللى لسا متجوزه جديد و عمالة تنزل ف صور حلوة ممكن لسا مش عارفه تخلص ديون الجواز اللى عليهم .

بطلوا تبصوا عالصورة و القشرة اللى بره و تحكموا ان غيركم عايش احسن منكم و انتم متعرفوش حاجة عن اللى بيحصل ف حياته فعلا .

الكون مش متأمر ضدك ولا الحياة بتكرهك ولا ربنا ظالمك .
الموضوع ان فيه ناس عرفت تتعامل مع مشاكلها ازاى و متخليش حاجة تكسرها وانت اخترت تفضل كدا .

الحكاية و ما فيها ان الواحد يفرح نفسه بنفسه و يطنش مهما شاف و يكمل و يعافر و يفهم الحكمة من كل اللي بيحصل معاه ويصبر ويرضي <3

احمد ربنا ... انت مش مظلوم ابدا ف حياتك
انت معرفتش تتعامل مع مشكلتك