قصة القديسة مورين

[souad jaalouk]

بسم الأب والابن والروح القدس الإله الواحد أمين
قصة القديسة مورين
( ضيفة من السما )
ولدت مورين يوم 18-8-2008 وولدت بكيس اعصاب اسفل العمود الفقرى ليس له علاج مما اثر على الكلي وكانت تقضي حاجتها عن طريق قسطرة بوليه كل ثلاث ساعات طول اليوم و حقنة شرجيه , ذهب والديها الي دير ابو سيفين وقالت امنا الراهبه (روحو عمدوها دي بتاعة ربنا مش بتاعتكو)
طوال سبع سنوات الم كل ثلاث ساعات بسبب القسطرة البوليه و الحقنه الشرجية وبسبب كيس الاعصاب اسفل العمود الفقرى بدأت قدمها فالألتواء وكانت تمشي قليل جدا وبعناء شديد وبدأنا في جلسات علاج طبيعي لعلاوج القدم
كل هذا وابدا لم تتذمر او تقول ليه يا رب انا كده ,بل بالعكس كانت مبسوطه تصلي وكانت دايما تصلي لكل الاطفال المرضي و لما مامتها تقولها ليه مش بتصلي لنفسك كانت تقول (بنسي نفسي) وكانت تحب ترنم و تقول الحان كانت تحب ماما العدرا وامنا اريني جدا وكانت تقول (انا عاوزه اكون زي أمنا ايريني)
من سنة قالت ( انا حلمت ان معايا امنا ايريني وقولتلها انا عاوزه ابقي زيك قالتلي انا هاخدك لما تبقي اد كده "وشاورت بايدها لفوق راسها ,يعني اكبر شويه")
قبل دخول المستشفي في أخر الأيام وقبل ما يشتد عليها المرض قالت ( انا حلمت ان ماما العدرا وامنا ايريني ماشين جنب سريري وقالولي مالك يا مورين فقولت انا عايزه اخف عشان العب واتفسح راحت امنا ايريني قالتلي تعالي افسحك معانا فالسما والعدرا اخدتني من ايدي وطلعنا السما فقولتلها انا عاوزه اروح لماما وبابا فنزلتني عالسرير تاني)
وكانت فاخر الايام ترسم باباها و مامتها واختها ماشين وحدهم وهي مش معاهم
(فالمستشفي)
ولما تعبت خالص قبل ما تدخل المستشفي قالت (انا اتبهدلت و تعبت اوي يا رب) ولما دخلت المستشفي مامتها سمعت صوت العدرا بتقول السما بتحتفل عشان مورين جايه فقالت لا مش هتخديها انا عوزاها
قلب مورين ضعف جدا وصل ل 40% و كانت بتغسل كلي مرتين فاليوم و مايه على الرئه و على غشاء القلب و نسبة حموضه عاليه فالدم وفشل كلوي حاد وكانت على التنفس الصناعي و دخلت في غيبوبه والقلب وقف مرتين وكل الدكاترة اجمعوا وان استحاله تفوق او تقوم تاني وان الموضوع ايام او ساعات
طلبنا من كل الناس يصلو لمورين وكنا واثقين ان الصلي هتشفع ليها وتقوم وفعلا مورين قامت يوم عيد الأنبا كاراس وأتكلمت وهزرت معانا وكان كل الدكاترة مش مصدقين انها قامت وأن المخ متأثرش بسبب توقف قلبها مرتين وكانو بيقولو دي قامت من الموت وطلعوها من العناية لأن الحاله أستقرت
بدأت تتعب تاني وهي فالمستشفي فشالت الملايه من عليها و تبص لفوق وتشاور بصوبعها لفوق وتقول لأمها (أهم يا ماما أهم واقفين و تقول يلا تعالو تعالو ) وراحت في غيبوبة تاني وقال الدكاتره ان جزع المخ مات ( موت ايكلنيكي )
(ليلة سفرها السما)
- والد مورين كان تحت المستشفي بيبات فالعربية ومكنش بياكل فشاف مورين خبطت على ازاز العربية وقالتله بابا عشان خاطرى كل انت وماما
- ام مورين كانت باصه للسما وشافت مورين واقفه ورا سور باصه منه وجنبها اطفال وشكلها جميل وفنفس الوقت جنبها سرير العنايه ومورين نايمه بالاجهزه وشكلها تعبان وسمعت صوت بيقول لمورين ترجعي السرير يا مورين فقالتله لا ده وجع و حقن وانا تعبت أنا هنا مبسوطه
- كل ده و مكناش معرفين خطورة الموقف لجدتها ام ابوها ولكن في الوقت اللي كانت مورين فيه فالمستشفي وجدتها فالبيت وكانت وحدها وهي صاحيه مش نايمه شافت مورين لابسه فستان ابيض ومعاها ملاكين ومسكنها وماشين بيها فجدتها قالتلها تعلي يا مورين فجتلها فجت العدرا فمورين راحتلها وحضنتها فشاورت مورين لجدتها وقالت (باي باي يا تيتا )
راحت مورين السما و سابت وجع كبير فقلب كل اللى يعرفها لكن تعزيات السما كانت سريعه:
1- يوم الصلاه عليها فالكنيسة ابونا قال مورين انا عارفها دي قديسة استحملت المرض بشكر لمدة تسع سنين وقال اشفعي فيا وفي كنيستنا امام رب المجد
2- عمها كان شايل ابن عمها عمره اربع سنين ومكنش حد قايل حاجه لابن عمها (طفل وميفهمش) وفجأه اعد يقول باي باي للسما ويرفع وش ابوه للسما ويقوله بص مورين فالسما بتجري ورايا اهي ,يا مورين انتي بتجري ورايا ازاى, يا بابا مورين كويسه اهي وبتجرى وعندها عصفوره
مفهمناش يعني ايه عندها عصفوره فوقتها بس طلع انه يقصد عندها جناحات
3- في نفس الوقت وفي مكان تاني خالص ابن عمتها طفل سبع سنين كان راكب اتوبيس وشافها برضو بنفس الشكل وبتجري مع الاتوبيس
4- اب كاهن ميعرفش مورين ومشفهاش قبل كده بعت رساله لباباها ومامتها انه حلم بمورين فالسما و لبسه فستان ابيض زي اللى بيلبسه الاطفال فالافراح و على رسها اكليل ( نفس الشكل اللى شافوها بيه الاطفال)
5- تاني يوم كان ابوها و امها عند جدة مورين (ام باباها) و حالتهم وحشه جدا وافتكروا انهم نسيو شبشب مورين فالمستشفي فزعلو جدا لانها كانت بتحبو اوي وفجأه وهما بيتكلمو عن الموضوع ده جدة مورين بتفتح الدولاب لقيت الشبشب محطوط ومكنوش مصدقين
6- و واحدة امينة خدمة المرضي بملوي كان معاها تبرعات مبلغ 8000 جنيه وضاع منها وملقتهوش و دورت كتير ومفيش فايده فطلبت شفاعة مورين فلقيته محطوط في درج هي دورت فيه كذا مره قبل كدا
7- وحدة تانيه كانت هتعمل عملية فالعمود الفقري وكانت مش بتقدر تقوم من السرير طلبت شفاعة مورين وقامت و راحت للدكتور فقالها خلاص مش محتاجه العمليه وهنمشي على كورس علاج بس وربنا يكمل.
مورين أتعذبت فالمرض لمدة تسع سنين تقريبا يعني بتحس اوي بالتعبان و اللى في ضيقه , أتشفعوا بيها وهي مش هتتأخر
بركتة شفاعتها تكون مع جميعنا أمين