مساء الخير اخواااني وشكرا عالمنتدى الرائع....
بصراحة مش عارفه كيف ابدا موضوعي.. لجأت لهالمنتدى لانه فيش حد يسمعني ولا حد يساعدني فمشكلتي
��
انا بنت عمري 24 سنه متعلمة وموظفة نشكر الرب، فيا كل المواصفات الي يتمناها اي شاب، بس في مشكلة خلت اي عريس يتقدملي يبطل عني او ما يقرب ناحي ابدا وهي ابوي... ابوي منفصل عن امي من 18 سنه تقريبا وهاجر برا البلد وكل هالفترة ما شفتهوش ابدا..المشكلة مش هون، المشكلة انه ابوي أسلم (اعتنق الاسلام) - والله بقول هالجملة وكلي خجل منكم ودمعتي على خدي- ... اي عريس بتقدملي بروح وما برجع وما في ام بترضى تاخدني لابنها لانه ابوي مسلم مع انه احنا وامي متدينين وملتزمين بالصلاة في الكنيسة ونفس الشي اخوالي واعمامي..يا رب انا ماليش ذنب، لما ابوي عمل هيك كنت يا دوب 6 سنين..انا نجرحت وعانيت كتير من الحرمان والناس مصرة تجرحني اكتر.. كل شاب يتقدملي يعيرني بأبوي... والله انا تعبببت تعبت كتير... انحرمت من ابوي ومن حنان الاب 18 سنه وكمان رح انحرم من شخص يحبني ويعوضني عن كل الي فات.. انا زي اي بنت بحلم اكون ام وبحلم البس الابيض وافرح..بحلم في اب حنون يكون جنبي ..تعبت نفسيا وفقدت ثقتي بنفسي وحاسة بالنقص دايما..نفسي اكون زي اي بنت طبيعيه..الي حوالي بعيروني وحتى امي نفسها من وانا طفلة تعيرني وتقولي انتي ما حد هيفكر يخطبك ولا تحلمي انك تتجوزي واوعي تنسي انه ابوكي مسلم.. ارجوووكم صلووولي محتاجة صلاتكم... ارشدوني وانصحوني ����
16 - 09 - 2017, 06:01 PM
العرض الشجري