معنديش غيرك اتخانق فيه

[walaa farouk]

- المذيعة مُستضيفة "أحمد سعد"، بتباركله ع اغنيته الجديدة "نهاية عادية". بعدين سألته : بصراحة الاغنية دي ل "ريم" مُش كده يا سعد ؟! المذيعة تقصد "ريم البارودي" طليقته واللي بينهم قصة حب كبيرة وكل مرة يرجعوا لبعض ويتخطبوا يسيبوا بعض تاني.

- رد "سعد" قالها، لا لا خالص، صراحة هو كوبلية البداية بس هو اللي ليها. ف قالتله خلاص غنيهولنا يا سعد !! ف غنى : "عمال بتوجع ف قلبي ليه ؟ يعني اللي بينا ده نهايته ايه؟ لو مش حاببني مفيهاش كسوف. ابعد وشوف ناوي تعمل ايه.. اعمل بعشرة وحجات كتير، كان برضوا بينا احساس كبير".

- سعد خلص الكوبلية وكان واضح ان شكله اتغير .. ف المذيعة قالتله : سعد سعد في حد ع التليفون عاوز يكلمك .. وفتحت المكالمة ف اتكلمت ريم البارودي قالتله : بحبك يا سعد بس انت اللي غبي .. انت اللي بتتخانق فيا عمال على بطال. ف رد عليها قالها والله انت اللي مبتفهمش مش يمكن انا مليش غيرك اتخنق فيه. 😔

- #الخلاصة : كتر الخلاف مش معناه بكرهك. مش يمكن مليش غيرك اتخانق فيه !! مش يمكن الدنيا كلها ضغطاني بتشيل وترمي فيا و مليش غيرك اطلع همي معاه ؟! انا شخصيًا كـ Jibril في حياتي شخص ما كل اما اكلمه احكيله مشاكل، هموم، ضغوط، واحيانا حرفيًا بنهار وياه وفالنهاية ممكن نختلف او نتخانق بسبب عصبيتي.. كل ده مش كره ليه .. لأ ده لأني معنديش غيره احكيله و اقع قدامه.

- #من_الاخر : لو عندك حد بيختلف وياك كتير بس بعد كل خلاف بيتأسفلك، او بيلف ويجعلك يراضيك، او مهما اختلفتوا بيعترف انه ملوش غيرك وميقدرش ع بعدك .. واجب عليك تتحملة وتحاول تتوافق وياه وتتفاهموا عشان الحد ده بيحبك وميقدرش يعيش من غيرك.

- معنديش غيرك اتخانق فيه. أتحملني. 😩