النفس ماتقدرش تعيش من غير اهداف
بمعني انك لو قعدت فترة مش قادر تصدق اهداف تبنيك
نفسك غصب عنك هاتبتدي تصدق في اهداف "تحميك "مؤقتا
مثلا لو مش عارف تصدق كل يوم انك محبوب ..نفسك تلقائيا هاتبتدي تدور علي حد يكون مصدر ازعاج ..و تصب كل تفكيرها فيه ..تدور علي حد فعلا بيكرهك ..او بيغير منك ..او مش بيطيقك ..و تفضل تفكر فيه طول اليوم ..كونه "هدف سلبي يحميك من الانهيار ..و من الم الفراغ اللي مسببه عدم وجود هدف ايجابي اللي هو "وجود حد بيحبك و يقدرك "
بس لو طولت في الهدف السلبي اللي بيحميك ..هايبتدي الهدف ده يعطلك و يأذيك ..هيتحول الشخص ده "هدف محوري معطل "لدرجة انك ممكن تبتدي تستغني عن اهداف واقعية في حياتك من اجل "هدف الحماية "ده ..
دور دايما علي "التصديق".صدق انك تتحب ..انك تستاهل تشتغل شغلانة حلوة ..انك تستاهل تعيش مع حد بيحبك
و الا هتلاقي نفسك تلقائيا بتدور علي الانشغال بالكراهية و القلق و الضيق و التوتر ..!!
03 - 09 - 2017, 10:51 PM
العرض الشجري