بدم يسوع صرنا أحرار

[walaa farouk]

تخيلوا معايا كده!!
لو كنتوا لسه عايشين في زمن العهد القديم ولازم كل مرة تغلط فيها سواء كانت غلطة (خطية) بالنسبة لك كبيرة أو صغيره هي بالنسبة لربنا الخطية واحدة، فلازم تروح تقدم ذبيحة علشان ربنا يغفرلك خطيتك، انتوا متخيلين الكم الهائل من الذبائح اللي بتتقدم قد إيه! ورغم كل الذبائح اللي كانت بتتقدم دي، كان لسه فيه حاجة ناقصة، الذبائح دي مكانتش كافية قدام الله، علشان كده قرر إنه يُرسل ابنه يسوع المسيح ويمشي سكة الصليب والفداء كلها علشان يحقق العدل الإلهي إن أجرة الخطية موت ومات فعلاً المسيح على الصليب، ولولا الصليب والكفارة اللي أخدناها بدم المسيح كان زماننا عايشين لسه على عهد الذبائح القديمة!! ليس بدم تيوس وعجول، بل بدم نفسه، دخل مرة واحدة إلى الأقداس، فوجد فداء أبدياً.. دُفع الثمن مرة واحدة وللأبد، بدم يسوع صرنا أحرار .