|
 |
 |
 |
|
رقم المشاركة : ( 1 )
20 - 07 - 2017, 04:15 AM
|
|||||||||||
|
|||||||||||
 لما هتجوز مش هتجوز واحده علشان تخدمني و تخدم ولادنا .. هتجوزها علشان اكمل عمري بيها و اكون نصيبها م الدنيا مش هحبسها بين اربع حيطان واعيش حياتي انا .. رجليها هتكون علي رجلي .. حتي لو سهرت بره للفجر استحاله ابص لواحده غيرها حتي ف غيابها .. هعود عيني تكون مليانه بيها و هتكون كفايتي مش هخبي عنها حاجه .. حتي اسرار شغلي .. هحكيلها وانا مطمن ومرتاح هصحيها م النوم علشان نصلي مع بعض .. و ايدينا تترفع للسما سوا .. ونسيب حياتنا ف ايد ربنا هنزل معاها وهي بتنقي لبسها .. ان شالله نلف علي مليون محل ومنلاقيش حاجه .. مش مهم .. المهم اشاركها كل تفاصيلها هدخل معاها سينما .. واقعد جنبها ف كافيه .. واروح بيها الاستاد .. والعب وياها بلاي ستيشن هفضل وراها لحد ما تحقق كل احلامها .. لو بتدرس هذاكرلها .. ولو بتشتغل هساعدها تكبر ف مجال شغلها وتنجح اكتر .. مش هتكسف اساعدها ف شغل البيت .. ورجولتي مش هتتهز لو دخلت معاها المطبخ او نضفت معاها الشقه .. البيت بيتنا احنا الاتنين .. و نشيله سوا مش همنعها من اهلها .. ولا هبعدها عنهم لحظه .. بالعكس ؛ هاخدها من ايديها و نروح نزورهم مهما وصلت بيننا الخلافات عمري ما اجرحها بكلمه ولا امد ايدي عليها .. مجبتهاش من بيت ابوها علشان ابهدلها .. وعمري ما اذيها لما نخلف هعمل معاها اللي هعمله مع عيالي .. هجبلها حاجه حلوه وانا راجع م الشغل .. و احكيلها حدوته قبل ما تنام لو يوم خدتني ظروفي و قصرت معاها .. هعوضها ب سفريه حلوه او مفاجأه باختصار .. الزوجه نعمه وامانه ؛ لازم اكون ادها .. وكل ما هراعي ربنا فيها ربنا هيكرمني و يبارك ف علاقتنا مع بعض و ف اول يوم يتقفل علينا باب واحد ؛ هقرالها الكلام ده .. واوعدها بكل حرف كتبته ولازم اكون أد الوعد .. ✋💝 " 
|
| أدوات الموضوع | |
| انواع عرض الموضوع | |
|
العرض الشجري