|
 |
 |
 |
|
رقم المشاركة : ( 1 )
10 - 07 - 2017, 08:34 PM
|
|||||||||||
|
|||||||||||
|
لتعميم عموما ده حاجه مش حلوة ومش عادله اوي . ولكن في الحقيقه فيه حاجات كتيره احنا مشتركين فيها كلنا .. بلا استثناءات !!!! فكلنا ...بنتوجع من حبايبنا أو اللي كانوا حبايبنا .. وكلنا ..بنتوه أحيانا في الدنيا دي ..وبنتلخبط .. وكلنا ..بنتردد في اتخاذ اي قرار مهم.وبنغلط ونرجع تاني.. وكلنا... بنقلق ونخاف. سواء خوف وقلق طبيعي أو بزياده حبتين.بسبب الأحداث المؤلمه اللي بنمر بيها أو بنشوفها. وكلنا بنستاء من أوضاع كتيره حوالينا ومش عارفين نغيرها. وكلنا ..بنتعرض لفترات كده فيها ياس وإحباط وفقدان أمل . وكلنا ...احيانا بنقدم خير ومحبه وبيرجعلنا شر وكره .ومن أقرب الناس وكلنا ...بتبقي حياتنا الروحيه عاليه اوي وبعدها بشويه بييجي الفتور الروحي الرهيب والمزعج. . وكلنا ...عندنا أحلااااااااام نفسنا نحققها وأماني بنتمناها ولسه ميعادها مجاش. . وكلنا ....عندنا اسئله كتيره في حياتنا من كل نوع ومش لاقيين ليها اجابه مقنعه .ولا حتي اجابه عاديه . وكلنا ...عندنا أشخاص احنا مجبرين نتعامل معاهم لظروف مش ملكنا. .الوضع فرض نفسه علينا الناس دي .. وكلنا ...بنحب ربنا ..بس كل واحد بيحبه بطريقته. وكلنا. ..بنحزن ونكتئب ونضطرب ونفرح ونهلل .بحسب نوع الحدث .ونرجع تاني لوضعنا الطبيعي قبل المشاعر دي . وكلنا ...بنندم ندم شديد علي تصرفات خرجت مننا في الماضي ..وتأثيرها لسه جوانا . وكلنا ....عندنا إحساس بالتقصير الشديد تجاه حد بعينه أو تجاه كيان معين .. وكلنا ...انانيين. أو علي الأقل مصلحتنا الأول ثم الأول .. وكلنا ....بيشعر بمشاعر سلبيه أو ايجابيه ناحيه أي إنسان تربطك بيه أي علاقه من أي نوع . وكلنا ...مشتاقين نشوف أصدقاءنا وعشره عمرنا بس الأيام فرقتنا. والغربه قست علينا .. وكلنا ....بنلبس ماسكات .حتي من غير ما نقصد نلبسها. وكلنا ....بني ادمين بنضعف ونتذل ونسقط ونقع في الخطيه. .ونقوم ونرجع تاني ..أو يضربنا الكسل.او إبليس يعطلنا شويه ... وكلنا ...بنتعلم. ومفيش حد فينا كبير ع التعليم. الخلاصه. " إن كلنا زي بعض ...بس أشكالنا مختلفه." 
|
| أدوات الموضوع | |
| انواع عرض الموضوع | |
|
العرض الشجري